ప్రముఖ హాస్యనటుడు బ్రహ్మానందం కీలకపాత్రలో స్వాతి రెడ్డి, సముద్రఖని, రాహుల్‌ విజయ్‌, శివాత్మిక రాజశేఖర్ ప్రధాన పాత్రల్లో నటించిన చిత్రం 'పంచతంత్రం'. హర్ష పులిపాక దర్శకత్వం వహించిన ఈ సినిమా అతి త్వరలో ప్రేక్షకుల ముందుకు రానుంది. ఈ నేపథ్యంలో బుధవారం ఈ మూవీ టీజర్‌ను విడుదల చేశారు. నిత్యం జీవితంలో మనకు ఎదురయ్యే ఎన్నో కథలను ఆధారంగా చేసుకుని ఈ ఫీల్‌ గుడ్‌ చిత్రాన్ని తెరకెక్కించామని చిత్రబృందం చెబుతోంది. టికెట్‌ ఫ్యాక్టరీ, ఎస్‌ ఒరిజినల్స్‌ సంయుక్తంగా రూపొందిస్తున్న ఈ చిత్రానికి అఖిలేష్ వర్ధన్‌, సృజన్‌ నిర్మాతలుగా వ్యవహరిస్తున్నారు.
'పంచతంత్రం' టీజర్.. 'మంచి రోజులు వచ్చాయి' ట్రైలర్ - బ్రహ్మానందం పంచతంత్రం టీజర్
సినిమా అప్డేట్స్ వచ్చేశాయి. ఇందులో 'పంచతంత్రం', 'అల వైకుంఠపురములో' హిందీ రీమేక్, 'మంచి రోజులు వచ్చాయి' చిత్రాల అప్డేట్స్ ఉన్నాయి.
పంచతంత్రం
కార్తిక్ ఆర్యన్, కృతి సనన్ జంటగా తెరకెక్కుతోన్న చిత్రం 'షెహ్జాదా'. అల్లు అర్జున్ హీరోగా నటించిన 'అల వైకుంఠపురములో' చిత్రానికి హిందీ రీమేక్ ఈ సినిమా. బాలీవుడ్లో రోహిత్ ధావన్ ఈ చిత్రానికి దర్శకత్వం వహిస్తున్నారు. ప్రస్తుతం షూటింగ్ జరుపుకొంటోన్న ఈ చిత్ర రిలీజ్ డేట్ను ఖరారు చేశారు. వచ్చ ఏడాది నవంబర్ 4న ఈ మూవీ ప్రేక్షకుల ముందుకు వస్తుందని తెలిపారు.
సంతోష్ శోభన్, మెహరీన్ జంటగా మారుతి తెరకెక్కించిన యూత్ఫుల్ లవ్, కామెడీ ఎంటర్టైనర్ 'మంచిరోజులు వచ్చాయి'. నవంబర్ 4న ఈ చిత్రం ప్రేక్షకుల ముందుకు రానుంది. ఈ నేపథ్యంలో ట్రైలల్ రిలీజ్కు ముహూర్తం ఫిక్స్ చేసింది చిత్రబృందం. గురువారం (అక్టోబర్ 14) ఉదయం 9 గంటలకు ఈ ప్రచార చిత్రాన్ని రిలీజ్ చేయటనున్నట్లు వెల్లడించింది.