హిందీ 'అపరిచితుడు'కు ఆదిలోనే షాక్​

'అన్నియన్'​(అపరిచితుడు) హిందీ రీమేక్​ చేస్తే దర్శకుడు శంకర్​ చట్టపరమైన సమస్యలు ఎదుర్కోవాల్సి వస్తుందని హెచ్చరించారు ఈ చిత్ర మాతృక నిర్మాత రవిచంద్రన్​. ఈ కథ హక్కులు తనే దగ్గరే ఉన్నాయని స్పష్టం చేశారు.

ప్రముఖ కోలీవుడ్​ దర్శకుడు శంకర్​.. బాలీవుడ్​ హీరో రణ్​వీర్​ సింగ్​తో అన్నియన్​(తెలుగులో అపరిచితుడు) హిందీ రీమేక్​ తీయనున్నట్లు ఏప్రిల్​ 14న ప్రకటించారు. ఇంకా ఈ చిత్రం సెట్స్​పైకి కూడా వెళ్లలేదు అంతలోనే చిత్రబృందానికి షాక్​ తగిలింది.

'అన్నియన్'​ నిర్మాత రవిచంద్రన్​.. ఈ కథ తనకు సొంతమంటూ శంకర్​కు ఓ ప్రెస్​నోట్​ విడుదల చేశారు. ఈ కథ రాసిన రచయిత సుజాతా దీనికి సంబంధించిన హక్కులను తనకు అమ్మినట్లు తెలిపారు. తన అనుమతి లేకుండా ఈ రీమేక్​ను తెరకెక్కించడం చట్టవిరుద్ధమని అన్నారు. త్వరలోనే దీనిపై లీగల్​ నోటీసులను పంపిస్తానని చెప్పిన ఆయన.. ఈ సినిమా నిర్మాణ కార్యక్రమాలను తక్షణమే నిలిపివేయాలని శంకర్​ను హెచ్చరించారు.

అపరిచితుడు హిందీ రీమేక్​కు షాక్​

ఇదీ చూడండి:'అపరిచితుడు' హిందీ రీమేక్​కు గ్రీన్​సిగ్నల్​