Padma Awards 2022: కళా రంగంలో విశేష సేవలందించిన పలువురు కళాకారులకు పద్మ పురస్కారాలను ప్రకటించింది కేంద్ర ప్రభుత్వం. వీరిలో సీనియర్ నటి షావుకారు జానకి, ప్రముఖ బాలీవుడ్ సింగర్ సోనూ నిగమ్, వాయిద్య కళాకారుడు దర్శనం మొగిలయ్య ఉన్నారు. కళల రంగంలో మొత్తం 34 మందిని పద్మ పురస్కారాలు వరించాయి.
ప్రముఖ సంప్రదాయ గాయని ప్రభా ఆత్రేను పద్మ విభూషణ్తో సత్కరించనుంది కేంద్రం. ఇక బంగాలీ నటుడు విక్టర్ బెనర్జీ, సింగర్ గుర్మీత్ బవా, సంప్రదాయ సంగీతకారుడు రషీద్ ఖాన్ను పద్మ భూషణ్ వరించింది.