విక్టరీ వెంకటేశ్(Venkatesh) కీలక పాత్రలో శ్రీకాంత్‌ అడ్డాల దర్శకత్వంలో తెరకెక్కిన చిత్రం 'నారప్ప'(Narappa). తమిళ సూపర్‌హిట్‌ 'అసురన్' రీమేక్‌గా ఈ సినిమా రూపొందింది. ప్రియమణి, కార్తీక్‌ రత్నం, రావు రమేశ్‌, రాజీవ్‌ కనకాల కీలక పాత్రలు పోషిస్తున్నారు. జులై 20న ప్రముఖ ఓటీటీ అమెజాన్‌ ప్రైమ్‌ వీడియో వేదికగా(Narappa On Amazon Prime) 'నారప్ప' స్ట్రీమింగ్‌ కానుంది. ఈ నేపథ్యంలో ఇటీవల ట్రైలర్ విడుదల చేసిన చిత్రబృందం తాజాగా 'ఓ నారప్ప' అనే సాంగ్ను ప్రేక్షకుల ముందుకు తీసుకొచ్చింది. మణిశర్మ సంగీతం వెంకీ లుక్స్తో పాటు సినిమాటోగ్రఫీ ఆకట్టుకునే విధంగా ఉంది.
నారప్ప సాంగ్.. సూర్య సినిమా టైటిల్ లుక్.. ఆహా కొత్త వెబ్సిరీస్
కొత్త సినిమాలకు సంబంధించిన అప్డేట్స్ వచ్చేశాయి. ఇందులో వెంకటేశ్ 'నారప్ప' సాంగ్, సూర్య కొత్త సినిమా ఫస్ట్లుక్తో పాటు ఆహా రూపొందిస్తోన్న న్యూ వెబ్ సిరీస్ గురించిన ఆసక్తికర విషయాలు ఉన్నాయి.
వడివాసల్
సూర్య ప్రధాన పాత్రలో నటిస్తున్న కొత్త సినిమా 'వాడివాసల్'. 'అసురన్' లాంటి బ్లాక్బస్టర్ తర్వాత డైరెక్టర్ వెట్రిమారన్ తీస్తున్న ప్రాజెక్టు ఇది. ఇప్పటికే టైటిల్ వెల్లడించినప్పటికీ, అందుకు సంబంధించిన లుక్ను తాజాగా రిలీజ్ చేశారు. ఈ పోస్టర్ చూస్తుంటే ఈ మూవీ జల్లికట్టు నేపథ్యంలో తెరకెక్కుతున్నట్లు తెలుస్తోంది.
ఓటీటీ వేదికల్లో సినిమాలు, వెబ్ సిరీస్లు చేసేందుకు యువతకు ఆహా, ఆర్కామీడియా సంస్థలు అవకాశాలు కల్పిస్తున్నాయి. ఈ రెండు సంస్థలు కలిసి సంయుక్తంగా 'అన్యాస్ ట్యుటోరియల్' అనే సస్పెన్స్ థ్రిల్లర్ వెబ్ సిరీస్ను నిర్మిస్తున్నాయి. ఈ సందర్భంగా ఆ వివరాలు వెల్లడించిన నిర్మాతలు అల్లు అరవింద్, శోభు యార్లగడ్డ.. పల్లవి అనే అమ్మాయి దర్శకురాలిగా పరిచయం చేస్తున్నామని తెలిపారు. ఈ సిరీస్లో రెజీనా, నివేదితా కీలకపాత్రలు పోషిస్తున్నారు.