మల్టీస్టారర్గా ఎన్టీఆర్, రామ్చరణ్ కలిసి నటిస్తోన్న చిత్రం 'ఆర్.ఆర్.ఆర్'. దర్శకధీరుడు ఎస్‌.ఎస్‌. రాజమౌళి తెరకెక్కిస్తున్న ఈ సినిమా నుంచి బుధవారం(నవంబర్ 19న) కీలక అప్డేట్ రానుంది. ఇప్పటికే చిత్రీకరణ ప్రారంభమై నేటితో ఏడాది కాగా... షూటింగ్ 70 శాతం పూర్తయినట్లు చిత్రయూనిట్ వెల్లడించింది. ఈ సందర్భంగా సినిమాలోని కథానాయికలు, నటీనటలు వివరాలు వెల్లడించనున్నాడు జక్కన్న.
ఇప్పటికే రామ్చరణ్ సరసన ఆలియా భట్ కథానాయికగా ఎంపికైంది. అల్లూరిగా చరణ్, కొమరం భీమ్‌గా తారక్ కనిపించనున్నాడు. బ్రిటిష్‌ నటి డైసీ ఎడ్గార్‌జోన్స్‌ ఈ ప్రాజెక్టు నుంచి వైదొలిగిన తర్వాత ఆమె పాత్రలో సరిపోయే నటి కోసం దర్శక, నిర్మాతలు చూస్తున్నారు. నిత్యా మేనన్‌ పేరు పరిశీలనలో ఉన్నట్లు సమాచారం.