శర్వానంద్, సాయి పల్లవి జోడి మరోసారి సందడి చేయబోతుందా? అవుననే అంటున్నాయి సినీ వర్గాలు. అయితే దానికి కాస్త సమయం పడుతుంది. దర్శకుడు కిశోర్ తిరుమల శర్వానంద్ హీరోగా ఓ చిత్రం తెరకెక్కించే అవకాశాలున్నాయి. ఈ సినిమాలో శర్వా సరసన సాయి పల్లవిని ఎంపిక చేసే ఆలోచనలో ఉన్నాడని తెలుస్తోంది. ప్రస్తుతం కిశోర్.. రామ్‌ కథానాయకుడిగా 'రెడ్‌' చిత్రం తెరకెక్కిస్తున్నాడు. శర్వానంద్ 'శ్రీకారం' సినిమాతో బిజీగా ఉన్నాడు. ఈ రెండు చిత్రాలు పూర్తయ్యాక కిశోర్- శర్వా ప్రాజెక్టు పట్టాలెక్కనుంది.
'పడి పడి లేచే మనసు' కాంబో రిపీట్!
'పడి పడి లేచెె మనసు'తో కనువిందు చేసిన శర్వానంద్, సాయిపల్లవి మరోసారి కలిసి నటించనున్నారని సమాచారం. దర్శకుడు కిశోర్ తిరుమల వీరిద్దరి కాంబినేషన్లో చిత్రాన్ని తెరకెక్కించనున్నాడని సినీవర్గాల టాక్.
'పడి పడి లేచే మనసు' కాంబో రిపీట్
శర్వా, సాయి పల్లవి గతంలో 'పడిపడి లేచె మనసు' చిత్రంలో కలిసి నటించి అలరించారు. ఇప్పుడు ఇదే జంట ఒకే ఫ్రేమ్‌లో కనిపించబోతుండటం వల్ల సినీ అభిమానుల్లో ఆసక్తి పెరిగింది. కొన్ని రోజుల్లో అధికారిక ప్రకటన రానుంది. 'పడిపడి లేచె మనసు' చిత్రాన్ని నిర్మించిన సంస్థే ఈ సినిమాను నిర్మించనుందని టాలీవుడ్‌ టాక్.
ఇదీ చూడండి :'మీటూ' సినీ పరిశ్రమలో మార్పు తెచ్చింది: కాజోల్