వీసా కోసం సుధాకర్ చెప్పే​ 'ఒగ్గు కథ'

లైఫ్ ఈజ్ బ్యూటిఫుల్ ఫేం సుధాకర్ తాజా చిత్రం నువ్వు తోపురా. ఈ సినిమాలో ఒగ్గుకథ రూపంలో ఉన్న లిరికల్ పాట విడుదలైంది.

'నువ్వు తోపురా' చిత్రంలో మరో లిరికల్ పాట విడుదలైంది. తెలంగాణ సంప్రదాయమైన ఒగ్గుకథ రూపంలో ఉన్న ఈ గీతం ఆకట్టుకుంటోంది. చిత్రంలో హీరోగా నటించిన సుధాకర్ కోమకూల ఈ గీతాన్ని ఆలపించాడు. సురేశ్ బొబ్బిలి సంగీతం దర్శకత్వం వహించగా, అజ్జు మహకాళీ సాహిత్యాన్ని అందించారు.

అమెరికా వీసా కోసం యువత పడే ఆవేదనను హాస్యాస్పదంగా పాట రూపంలో వినిపించింది చిత్రబృందం. అందులోనూ తెలంగాణ యాసలో.. ఒగ్గుకథ రూపంలో ఉన్న ఈ పాట సరికొత్తగా ఉంది. హరినాథ్ బాబు దర్శకత్వం వహించిన ఈ సినిమాలో నిత్యా శెట్టి కథానాయిక.

శేఖర్ కమ్ముల దర్శకత్వంలో వచ్చిన 'లైఫ్ ఈజ్ బ్యూటిఫుల్' చిత్రం ద్వారా గుర్తింపు తెచ్చుకున్న సుధాకర్ 'నువ్వుతోపురా' సినిమాలో హీరో.