తెలుగులో ఎంట్రీ ఇస్తున్న 'లవర్స్​డే' హీరోయిన్

మలయాళ చిత్రం 'ఒరు అదార్ లవ్' తెలుగులో 'లవర్స్ డే' పేరుతో విడుదలైన సంగతి తెలిసిందే. ఈ సినిమాలో హీరోయిన్​గా నటించిన నూరిన్.. 'ఉల్లాలా ఉల్లాలా' అనే సినిమాతో టాలీవుడ్ అరంగేట్రం చేయనుంది.

'లవర్స్​ డే' సినిమాతో ప్రియా వారియర్ ఎంత గుర్తింపు తెచ్చుకుందో.. విడుదల తర్వాత నూరిన్​కూ అంతే పేరు వచ్చింది. ఇప్పుడు నూరిన్ కథానాయికగా నటిస్తున్న చిత్రం ఉల్లాలా ఉల్లాలా. ఈ సినిమా ద్వారా తెలుగులో అరంగేట్రం చేయనుందీ మలయాళీ భామ.

రొమాంటిక్ థ్రిల్లర్ నేపథ్యంలో ఈ సినిమా తెరకెక్కుతోంది. చిత్రీకరణ దాదాపుగా పూర్తికావొచ్చిన ఈ చిత్రానికి సీనియర్ నటుడు సత్యప్రకాశ్ దర్శకత్వం వహిస్తున్నాడు.

గురురాజ్ ఈ చిత్రానికి కథ అందిస్తూ నిర్మిస్తున్నాడు. జాయ్ సంగీతం సమకూరుస్తున్నాడు. త్వరలో సినిమాను ప్రేక్షకుల ముందుకు తీసుకురానున్నట్లు చిత్రబృందం తెలిపింది.

ఇదీ చదవండి: 'అల..వైకుంఠపురములో' రిలీజ్​ డేట్ ఫిక్స్​..!