'ఆంటీ' అన్నందుకు 4 ఏళ్ల బాలుడిపై 'స్వర' పురాణం

బాలీవుడ్​ నటి స్వరా భాస్కర్​ ఓ వివాదంలో చిక్కుకుంది. 4 ఏళ్ల బాల నటుడు ఆమెను 'ఆంటీ' అని పిలిచినట్లు ఇటీవల ఓ టీవీ షోలో చెప్తూ... అభ్యంతరకర పదాలు వాడింది. ఆ నటి తీరుపై నెటిజన్లు మండిపడుతున్నారు.

హిందీ సినీ నటి స్వరా భాస్కర్​పై నెటిజన్లు విమర్శలు గుప్పిస్తున్నారు. నాలుగేళ్ల ఓ బాల నటుడిని అసభ్య పదజాలంతో దూషించడమే ఇందుకు కారణం. తాజాగా సామాజిక మాధ్యమాల్లో #Swara_aunty ట్యాగ్​తో పోస్టులు వెల్లువెత్తుతున్నాయి. ఈ హ్యాష్​ట్యాగ్​ నేడు ట్విట్టర్​లో ట్రెండింగ్​లో నిలిచింది.

నటి స్వరాభాస్కర్​

ఏమైంది..?

టీవీలో ఓ 'చాట్​ షో'కు హాజరైన స్వర.. తనకు గతంలో జరిగిన ఓ అనుభవాన్ని చెప్పింది. సినిమా చిత్రీకరణ సమయంలో 4ఏళ్ల బాల నటుడు ఆమెను 'ఆంటీ' అని పిలిచాడని చెప్తూ... ఆ చిన్నారిని వేదికపైనే తిట్టింది. చిన్నారి గురించి వాడిన పదాలపై నెటిజన్లు తీవ్రంగా మండిపడుతున్నారు.

ఈ వ్యవహారంపై వివరణ ఇచ్చుకున్న ఆమె.. "షూట్​ సమయంలో చిన్నారిని తిట్టలేదు. కానీ నా మనసులో అనుకున్నది ఆ టీవీ షోలో వెల్లడించా" అని చెప్పింది. 'ఆంటీ' అని పిలవడం తనకు కొంచెం కోపం తెప్పించిందని తెలిపింది.

ఈ ఘటనపై ఓ స్వచ్ఛంద సేవా సంస్థ స్వరా భాస్కర్​పై జాతీయ బాలల హక్కుల కమిషన్​కు(ఎన్​సీపీసీఆర్)​కు ఫిర్యాదు చేసినట్లు తెలుస్తోంది.

స్వర ప్రస్తుతం 'షీర్​ కోర్మా' సినిమాలో బిజీగా ఉంది. త్వరలో 'రాష్​భారీ' అనే వెబ్​ సిరీస్​ ద్వారా స్మార్ట్​తెరపైనా సందడి చేయనుంది.