ప్రీ రిలీజ్​ ఈవెంట్​కు బాబాయ్- అబ్బాయ్

శనివారం హైదరాబాద్​లో జరిగే 'ఓ బేబీ' ప్రీరిలీజ్​ ఈవెంట్​కు రానా, వెంకటేశ్ ముఖ్య అతిథులుగా హాజరుకానున్నారు. జూలై 5న సినిమా విడుదల కానుంది.

స్టార్​ హీరోయిన్​ సమంత ప్రధాన పాత్రలో నటిస్తున్న సినిమా 'ఓ బేబీ'. శనివారం ప్రీరిలీజ్​ కార్యక్రమం హైదరాబాద్​లో జరగనుంది. ముఖ్య అతిథులుగా హీరోలు వెంకటేశ్, రానా హాజరవుతున్నారు.

ఓ బేబీ ప్రీరిలీజ్​ ఈవెంట్​కు అతిథులుగా వెంకటేశ్-రానా

70 ఏళ్ల వృద్ధురాలి ఆత్మ 20 సంవత్సరాల యువతి శరీరంలోకి ప్రవేశిస్తే ఎలాంటి పరిస్థితుల ఎదురయ్యాయనేదే ఈ చిత్ర కథాంశం. కొరియన్ సినిమా 'మిస్ గ్రానీ'కు ఇది రీమేక్.

నాగశౌర్య, రావు రమేశ్, లక్ష్మి, రాజేంద్ర ప్రసాద్ ఇతర పాత్రల్లో కనిపించనున్నారు. నందిని రెడ్డి దర్శకురాలు. మిక్కీ జే మేయర్ సంగీతమందించాడు. ఇప్పటికే విడుదలైన ట్రైలర్ ఆకట్టుకుంటోంది. జూలై 5 ప్రేక్షకుల ముందుకు రానుందీ సినిమా.

ఇది చదవండి: ఈ బేబీ 'ఆకారం తూనీగ.. ముట్టుకుంటే కందిరీగ'