మెగా పవర్స్టార్ రామ్చరణ్ పుట్టినరోజు సందర్భంగా ఓ సర్ప్రైజ్ వీడియోను విడుదల చేస్తానని నటుడు ఎన్టీఆర్ ట్విట్టర్లో తెలిపాడు. అనుకున్న సమయానికి విడుదల ఆలస్యమైంది. ఆ జాప్యానికి కారణం దర్శకుడు రాజమౌళి అని అంటున్నాడు ఎన్టీఆర్.
"సారీ.. బ్రదర్ రామ్చరణ్. నీకు ఇవ్వాలనుకున్న సర్ప్రైజ్ను దర్శకుడి అభిప్రాయం కోసం రాత్రి జక్కన్న(రాజమౌళి)కు పంపించాను. రాజమౌళి అంటే ఎంత సమయం పడుతుందో తెలుసుకదా..! మరికొంత సమయం పడుతుంది."
- ఎన్టీఆర్ ట్విట్టర్ సారాంశం
ఈ సర్ప్రైజ్ కోసం తానూ ఎదురుచూస్తున్నట్టు ట్విట్టర్లో వెల్లడించాడు మెగాస్టార్ చిరంజీవి. ఈ పోస్ట్ను ట్యాగ్ చేస్తూ దర్శకుడు రాజమౌళి స్పందించాడు. ఈ వీడియో విడుదల కొంత సమయం పడుతుందని ఆ పోస్ట్ ద్వారా దర్శకధీరుడు తెలిపాడు.
ఎన్టీఆర్, రామ్చరణ్ కథానాయకులుగా ఎస్‌.ఎస్‌.రాజమౌళి దర్శకత్వంలో తెరకెక్కుతున్న భారీ బడ్జెట్‌ చిత్రం 'ఆర్ఆర్ఆర్'(రౌద్రం రణం రుధిరం). ఉగాది సందర్భంగా టైటిల్‌ లోగోతో పాటు, మోషన్‌ పోస్టర్‌ను విడుదల చేసి, అభిమానుల్లో ఆసక్తి పెంచింది చిత్రబృందం.
ఇదీ చూడండి.. చిరుత నుంచి అల్లూరి సీతారామరాజు వరకు