బాలీవుడ్ నటి ఫాతిమా సనా షేక్​కు కరోనా

బాలీవుడ్ నటి ఫాతిమా సనా షేక్​కు కరోనా పాజిటివ్​గా తేలింది. ప్రస్తుతం తాను క్వారంటైన్​లో ఉన్నట్లు వెల్లడించిందీ నటి.

బాలీవుడ్ నటి ఫాతిమా సనా షేక్​కు కరోనా పాజిటివ్​గా తేలింది. ఈ విషయాన్ని స్వయంగా ఆమే వెల్లడించింది. ప్రస్తుతం ఇంట్లోనే క్వారంటైన్​లో ఉన్నట్లు తెలిపింది.

"నాకు కరోనా పాజిటివ్​గా తేలింది. ప్రస్తుతం అన్ని జాగ్రత్తలు పాటిస్తూ ఇంట్లో క్వారంటైన్​లో ఉన్నా. నాకు మద్దతుగా నిలిచినందుకు అందరికీ కృతజ్ఞతలు. అందరూ జాగ్రత్తగా ఉండండి" అంటూ సామాజిక మాధ్యమాల్లో పోస్ట్ చేసింది సనా.

బాలీవుడ్ నటి ఫాతిమా షేక్​కు కరోనా

ఇటీవలే విడుదలైన అనురాగ్ బసు దర్శకత్వం వహించిన క్రైమ్ కామెడీ థ్రిల్లర్​ 'లూడో'లో నటించింది ఫాతిమా. మనోజ్ బాజ్​పేయ్​తో చేసిన 'సూరజ్ పే మంగల్ బిహారి' చిత్రం విడుదల కావాల్సి ఉంది.

ఇప్పటికే బాలీవుడ్ నటులు విక్రాంత్ మాసే, పరేశ్ రావల్, కార్తిక్ ఆర్యన్, రణ్​బీర్ కపూర్ కరోనా బారినపడ్డారు.