Mahesh babu new movie: ఎప్పటినుంచో ఎదురుచూస్తున్న సూపర్స్టార్ మహేశ్బాబు అభిమానులకు మళ్లీ నిరాశే. 'సర్కారు వారి పాట' తొలిపాట సంక్రాంతికి వస్తుందనుకుని భావించిన వాళ్లకు నిర్మాణ సంస్థ సారీ చెప్పింది. పాట కోసం మరికొంత సమయం వేచిచూడాలని పోస్ట్ పెట్టింది.
మహేశ్బాబు 'సర్కారు వారి పాట' తొలి గీతం గురించి త్వరలో అప్డేట్ ఇస్తామని సంగీత దర్శకుడు తమన్ శుక్రవారం ట్వీట్ చేశారు. ఇది వచ్చిన కాసేపటికే నిర్మాణ సంస్థ నుంచి ఓ ప్రకటన వచ్చింది. చిత్రబృందంలోని పలువురికి కొవిడ్ వచ్చిందని, అలానే పరిస్థితులు ప్రభావం వల్ల అప్డేట్స్ మరింత ఆలస్యం కానున్నాయని అందులో పేర్కొంది. అభిమానులకు సంక్రాంతి శుభాకాంక్షలు తెలిపింది. ఈ సినిమా హీరో మహేశ్బాబుతో పాటు సంగీత దర్శకుడు తమన్ కరోనా బారిన పడ్డారు.