జేమ్స్ బాండ్ సినిమా అంటే ప్రేక్షకులకు ఓ ఎమోషన్‌. ఇప్పటికే విడుదలైన ఈ ఫ్రాంచైజీలోని చిత్రాలు అభిమానుల్ని అమితంగా ఆకట్టుకోగా.. ఇప్పుడు 'నో టైమ్ టు డై' చిత్రంతో మరోసారి అలరించేందుకు సిద్ధమయ్యారు. ఇటీవలే విడుదలైన ట్రైలర్ ప్రేక్షకుల్లో భారీ అంచనాలు పెంచింది. తాజాగా సినిమాలోని విలన్ క్యారక్టర్ సఫిన్ను పరిచయం చేస్తూ చిత్రబృందం మరో ట్రైలర్ను విడుదల చేసింది. ఇందులో ఆస్కార్ విజేత రామి మాలెక్ ప్రతినాయకుడి పాత్రలో కనిపించనున్నాడు.
ట్రైలర్: బాండ్ను భయపెట్టే విలన్ 'సఫిన్'
జేమ్స్ బాండ్ కొత్త చిత్రం 'నో టైమ్ టు డై' నుంచి మరో ట్రైలర్ విడుదలైంది. ఇందులో బాండ్కు దీటైన విలన్గా కనిపించనున్న రామి మాలెక్ పాత్రను పరిచయం చేసింది చిత్రబృందం.
రామి మలేక్
ఈ సందర్భంగా సఫిన్ పాత్ర గురించి దర్శకుడు కేరీ జోజీ మాట్లాడుతూ.. "అతను చేసే ప్రతి పని, కోరిక వ్యక్తిగతంగా బాండ్తో పాటు ప్రపంచాన్ని భయపెట్టే విధంగా ఉంటుంది. అంతటి బలమైన పాత్ర ఇది. ఇందులో విలన్ ఎప్పుడూ తనను తాను హీరోగా భావిస్తాడు" అని పేర్కొన్నాడు.
డేనియల్‌ మరోసారి బాండ్‌గా కనిపిస్తున్న ఈ సినిమాకు కేరీ జోజీ ఫకునగా దర్శకత్వం వహిస్తున్నాడు. లా సేడోక్స్‌, బెన్‌ విషా, నవోమీ హారిస్‌ తదితరులు ఇతర ప్రధాన పాత్రధారులు. నవంబరులో ఈ చిత్రం థియేటర్లలో సందడి చేసేందుకు సిద్ధమైంది.