నాన్న పార్టీ తరఫున ప్రచారం చెయ్యను : శ్రుతిహాసన్​

ప్రస్తుతం తాను పెళ్ళికి తొందరపడటం లేదని చెప్పింది స్టార్​ హీరోయిన్​ శ్రుతిహాసన్. చిత్రసీమలో మరెన్నో సాధించాల్సి ఉందని వెల్లడించింది. దీంతో పాటే తమిళనాడులో వచ్చే ఎన్నికల్లో తన తండ్రి కమల్​హాసన్​ స్థాపించిన పార్టీ తరఫున ప్రచారం కూడా చెయ్యనని తెలిపింది. ప్రస్తుతం 'క్రాక్'​, 'వకీల్​ సాబ్'​ సహా పలు చిత్రాల్లో నటిస్తోందీ ముద్దుగుమ్మ.

తన పెళ్లి గురించి కొనేళ్ల వరకు ఆలోచించనని చెప్పింది స్టార్​ హీరోయిన్​ శ్రుతిహాసన్​. ప్రస్తుతం కెరీర్​ మీద తన పూర్తి దృష్టి సారించినట్లు తెలిపింది. ఈ విషయాన్ని తాజాగా ఓ ఇంటర్వ్యూలో వెల్లడించింది. దీంతోపాటే తనకు రాజకీయాలు గురించి ఏమీ తెలియదని చెప్పింది శ్రుతి. అందుకే తమిళనాడులో వచ్చే ఎన్నికల్లో తన తండ్రి ప్రముఖ హీరో కమల్​హాసన్​ స్థాపించిన పార్టీ తరఫున కూడా ప్రచారం చేయనని వెల్లడించింది. కాగా, సూపర్​స్టార్​ రజనీకాంత్​, కమల్‌హాసన్​ మళ్ళీ కలిసి నటించాలని వారి అభిమానులలాగే తాను ఆశగా ఎదురుచూస్తున్నానని చెప్పుకొచ్చింది.

ప్రస్తుతం రవితేజ 'క్రాక్'​, పవన్​ కల్యాణ్ 'వకీల్​ సాబ్', విజయ్​ సేతుపతి 'లాభం' ​ సహా పలు చిత్రాల్లో నటిస్తోందీ భామ.

​ఇదీ చూడండి షారుక్​‌- అట్లీ సినిమాకు రెహమాన్‌ సంగీతం!