హీరోయిన్ నివేదా పేతురాజ్(Nivetha Pethuraj)కు చేదు అనుభవం ఎదురయ్యింది. ఆన్లైన్లో ఫుడ్ ఆర్డర్ చేస్తే.. అందులో బొద్దింక(cockroach in food) వచ్చింది. దీంతో ఈ నటి సదరు రెస్టారెంట్‌, ఫుడ్ డెలీవరి సంస్థపై ఆగ్రహం వ్యక్తం చేశారు. చెన్నైలో పేరుపొందిన ఓ ప్రముఖ రెస్టారెంట్‌ నుంచి బుధవారం సాయంత్రం నివేదా పేతురాజ్ ఫ్రైడ్ రైస్‌ను ఆర్డర్ చేశారు. ఫుడ్ డెలీవరి అయిన అనంతరం ప్యాక్‌ ఓపెన్‌ చేయగానే అందులో ఆమెకు బొద్దింక కనిపించింది. దీంతో ఆమె.. రెస్టారెంట్‌ని ట్యాగ్‌ చేస్తూ ఇన్‌స్టాలో ఓ పోస్ట్ పెట్టారు.
"ఇటీవల కాలంలో హోటళ్లు సరిగ్గా పరిశుభ్రతను పాటించడం లేదు అనడానికి ఇదొక ఉదాహరణ. నేను ఆర్డర్ చేసిన భోజనంలో బొద్దింక వచ్చింది. ఈ హోటల్ వాళ్లు సరిగ్గా నాణ్యతా ప్రమాణాలు పాటించడం లేదు. కొనుగోలుదారుల ఆరోగ్యంతో ఆడుకుంటున్న ఇలాంటి హోటళ్లపై భారీ జరిమానా విధించాలి."
- నివేదా పేతురాజ్, హీరోయిన్
'ఓరు నాల్‌ కొథు' అనే తమిళ సినిమాతో నివేదా ఇండస్ట్రీలోకి అడుగుపెట్టారు. అనంతరం 'మెంటల్‌ మదిలో' (Mental Madilo) చిత్రంతో టాలీవుడ్‌లోకి అరంగేట్రం చేశారు. 'చిత్రలహరి' (Chitralahari), 'అల.. వైకుంఠపురములో..' (Ala Vaikuntapuramlo), 'రెడ్‌' (RED) చిత్రాల్లో నివేదా నటన ప్రేక్షకుల్ని మెప్పించింది.