'మిత్ర'గా ఆకట్టుకుంటున్న నివేద

శ్రీవిష్ణు కథానాయకుడుగా నటిస్తున్న 'బ్రోచేవారెవరురా' సినిమాలో నివేదా థామస్ లుక్  విడుదలైంది. సంప్రదాయ నృత్య కళాకారిణిగా ఆకట్టుకుంటోందీ భామ.

విభిన్న చిత్రాలతో మెప్పిస్తూ టాలీవుడ్​లో తనకంటూ గుర్తింపు తెచ్చుకున్నాడు శ్రీవిష్ణు. ప్రస్తుతం అతడు హీరోగా తెరకెక్కుతున్న సినిమా 'బ్రోచేవారెవరురా'. తాజాగా ఈ మూవీలో నటిస్తున్న నివేదా థామస్ లుక్​ను విడుదల చేసింది చిత్రబృందం.

శాస్త్రీయ నృత్య భంగిమతో ఉన్న ఈ పోస్టర్ ఆకట్టుకుంటోంది. ఓ యువతి ధైర్యమైన మహిళగా ఎదగడమే 'మిత్ర' పాత్ర అంటూ ట్విట్టర్లో రాసుకొచ్చింది నివేద.
విజ‌య్ కుమార్ మ‌న్యం ఈ చిత్రాన్ని నిర్మిస్తున్నారు. సినిమాలోని ఇతర పాత్రల్లో ప్రియ‌ద‌ర్శి, రాహుల్ రామ‌కృష్ణ నటిస్తున్నారు.

నివేదా థామస్

వివేక్ ఆత్రేయ ద‌ర్శ‌క‌త్వంలో శ్రీవిష్ణు హీరోగా రూపొందుతున్న రెండో చిత్రం ‘'బ్రోచేవారెవ‌రురా'’. ‘చ‌ల‌న‌మే చిత్ర‌ము.. చిత్ర‌మే చ‌ల‌న‌ము’ అనేది ట్యాగ్ లైన్‌.

యువ సంగీత ద‌ర్శ‌కుడు వివేక్ సాగ‌ర్ సంగీతం అందించాడు. ప్ర‌స్తుతం నిర్మాణంతర కార్య‌క్ర‌మాల‌ు జ‌రుపుకుంటోందీ చిత్రం. మే నెల‌లో విడుద‌ల చేసేందుకు స‌న్నాహాలు చేస్తున్నారు.

ఇవీ చూడండి..'దీపికతో అందుకే సినిమా చేయలేదు'