నితిన్, కీర్తి సురేశ్ జంటగా నటించిన 'రంగ్ దే'.. ఈనెల 26న థియేటర్లలోకి రానుంది. విడుదల తేదీ దగ్గరపడుతున్నప్పటికీ ఇంకా ట్రైలర్, ప్రమోషన్ లాంటివి చేయకపోవడం ప్రేక్షకుల్ని సందేహాలు రేకెత్తించింది. దీనికి సమాధానంగా ఓ హాస్యభరిత వీడియోను పంచుకుంది చిత్రబృందం. ఇందులో నితిన్, సుహాన్, అభినవ్ మధ్య సరదా సంభాషణ అలరిస్తోంది.
'రంగ్ దే' ట్రైలర్.. మార్చి 19న కర్నూలులో జరిగే కార్యక్రమంలో విడుదల చేయనున్నారు. ప్రీ రిలీజ్ ఈవెంట్ 21న, గ్రాండ్ రిలీజ్ ఈవెంట్ 24న అయిన తర్వాత సినిమా 26వ తేదీన ప్రేక్షకుల ముందుకు రానున్నట్లు వీడియోలు నితిన్ చెప్పారు.