టాలీవుడ్ ఎలిజిబుల్ బ్యాచిల‌ర్ నితిన్ పెళ్లికొడుకయ్యాడు. కొంతకాలంగా అతడి ప్రేమాయణంపై వస్తున్న ఊహాగానాలకు తాజాగా తెరపడింది. శనివారం హైదరాబాద్‌లోని తన నివాసంలో షాలినితో... ఈ హీరోకు నిశ్చితార్థమైంది. ఈ వేడుక‌కు సన్నిహితులు మాత్రమే హాజ‌రయ్యారు. ఏప్రిల్ 16న దుబాయ్‌లోని పలాజో వర్సాచీ హోటల్‌లో వీరిద్దరి పెళ్లి జరగనుందట.
2012లో వీరిద్దరికి పరిచయం ఏర్పడిందట. రెండేళ్ల క్రితం నుంచి వీరి స్నేహం.. ప్రేమగా మారిందని సమాచారం. ఒకరిని ఒకరు బాగా అర్థం చేసుకొని జీవితాన్ని పంచుకోవాలని నిర్ణయించుకున్నారట. షాలినికి వెరైటీగా ప్రపోజ్ చేయాల‌ని భావించిన నితిన్.. ఒంటికాలిపై నిలబడి ఆమెకి ప్రపోజ్ చేశాడట. నితిన్ చేష్టలు చూసి నవ్వుకున్న షాలిని.. వెంటనే అతడి ప్రేమను ఒప్పుకుందట. నితిన్ సినిమాల‌ను త‌ర‌చూ చూస్తుండే షాలినికి 'లై' సినిమా మాత్రం అర్థం కాలేదట.