చేతి నిండా సినిమాలతో క్షణం తీరిక లేకుండా గడుపుతున్నారు కథానాయకుడు నితిన్. ఈ ఏడాది ఇప్పటికే 'చెక్‌', 'రంగ్‌ దే' చిత్రాలతో ప్రేక్షకుల్ని పలకరించిన ఆయన.. ఇప్పుడు 'మ్యాస్ట్రో'గా అలరించేందుకు సిద్ధమవుతున్నారు. ఇది సెట్స్‌పై ఉండగానే ఆయన మరో కొత్త కథకు పచ్చజెండా ఊపారని సమాచారం.
'నా పేరు సూర్య నా ఇల్లు ఇండియా' చిత్రంతో రచయిత వక్కంతం వంశీ దర్శకుడిగా మారారు. ఇప్పుడాయన దర్శకత్వంలోనే నితిన్ ఓ సినిమా చేసేందుకు అంగీకారం తెలిపారని సమాచారం. దీన్ని ఠాగూర్‌ మధు నిర్మించనున్నట్లు తెలుస్తోంది.