నితిన్ నటించిన 'చెక్' విడుదలకు సిద్ధమైంది. ఈ నెల 26 నుంచి థియేటర్లలో ప్రేక్షకులను అలరించనుంది. అయితే ఈ సినిమాను నిజజీవిత సంఘటనల స్ఫూర్తితోనే తెరకెక్కించినట్లు తెలుస్తోంది. తొమ్మిదేళ్ల శిక్ష అనుభవించిన ఓ అమెరికన్ ఖైదీ.. జైలులో ఉన్నన్ని రోజులు చెస్ ఆడుతూనే ఉన్నాడు. దీనికి కాస్త కల్పితం జోడించి 'చెక్' రూపొందించినట్లు సమాచారం.
అమెరికన్ ఖైదీ కథతో నితిన్ 'చెక్' సినిమా!
నితిన్ హీరోగా చంద్రశేఖర్ యేలేటి దర్శకత్వంలో తెరకెక్కిన చిత్రం 'చెక్'. ఇందులో నితిన్ చెస్ ప్లేయర్గా కనిపించనున్నాడు. అయితే ఈ సినిమాను ఓ అమెరికన్ ఖైదీ నిజ జీవితం ఆధారంగా తెరకెక్కించారట.
అమెరికన్ ఖైదీ కథతో నితిన్ 'చెక్' సినిమా!
ఈ సినిమాలో కేవలం ఒక్క పాట మాత్రమే ఉంది. దానిని ఈ మధ్యే గోవాలో చిత్రీకరించారు. దాంతో షూటింగ్ మొత్తం పూర్తయింది. రకుల్ ప్రీత్ సింగ్, ప్రియా ప్రకాశ్ వారియర్ ఇందులో హీరోయిన్లుగా నటించారు. కల్యాణి మాలిక్ సంగీతమందించగా, చంద్రశేఖర్ యేలేటి దర్శకత్వం వహించారు. వి.ఆనందప్రసాద్ నిర్మించారు.
Last Updated : Feb 15, 2021, 3:05 PM IST