కాబోయే భర్త బర్త్​డేకు నిహారిక స్పెషల్​ విషెస్​

త్వరలో పెళ్లి పీటలెక్కనున్న కొణిదెల వారసురాలు నిహారిక. తాజాగా తన కాబోయే భర్త చైతన్య పుట్టిన రోజుకు స్పెషల్​ విషెస్​ చెప్పింది. ఈ క్రమంలోనే ఇద్దరు కలిసి దిగిన ఫొటోను ఇన్​స్టాగ్రామ్​లో పోస్ట్​ చేసింది.

మెగా డాటర్​ నిహారిక వివాహం గురించి టాలీవుడ్​ మొత్తం ఎదురుచూస్తోంది. ఇటీవలే ఈ కొణిదెల వారసురాలు పెళ్లి పీటలెక్కనున్నట్లు కుటుంబ సభ్యులు తెలిపారు. గుంటూరు పోలీసుశాఖలో ఐజీగా బాధ్యతలు నిర్వర్తిస్తున్న జొన్నలగడ్డ ప్రభాకర్​ తనయుడు చైతన్యతో నిహారిక ఏడడుగులు వేయనుంది. ఈ ఏడాదిలోనే వీరి వివాహం జరగనున్నట్లు తెలుస్తోంది.

తాజాగా తన కాబోయే భర్త పుట్టినరోజును సెలబ్రేట్​ చేసుకుంటూ.. నిహారిక స్పెషల్​ విషెస్​ చెప్పింది. ఈ క్రమంలోనే ఇద్దరూ కలిసి దిగిన ఫొటోను ఇన్​స్టాగ్రామ్​ వేదికగా పోస్ట్​ చేస్తూ.. 'హ్యాపీ బర్త్​డే లవ్' అని రాసుకొచ్చింది. "ఒక చిరునవ్వు గది మొత్తాన్ని వెలుగులతో నింపుతుంది. ఇంట్లో ఉన్న అనుభూతి కలిగేలా కౌగిలించుకుంటుంది. నువ్వు నా సంతోషపు చిరునామా చై. ప్రతి విషయంలో నువ్వు ఉత్తమమైన వ్యక్తివి​." అని నిహారిక పేర్కొంది.