మెగా డాటర్ నిహారిక-చైతన్యల వివాహం కుటుంబసభ్యులు, అత్యంత సన్నిహితుల సమక్షంలో ఉదయ్పూర్లో వేడుకగా జరిగింది. ఆత్మీయులందరి కోసం తాజాగా కొణిదెల-జొన్నలగడ్డ కుటుంబాలు రిసెప్షన్ను ఏర్పాటు చేశాయి. హైదరాబాద్లో శుక్రవారం రాత్రి జరిగిన ఈ వివాహ విందుకు చిరంజీవి కుటుంబంతోపాటు బంధువులు, పలు రంగాలకు చెందిన ప్రముఖులు హాజరయ్యారు. ప్రస్తుతం ఈ వేడుకకు సంబంధించిన ఫొటోలు నెట్టింట్లో తెగ చక్కర్లు కొడుతున్నాయి.
కాగా, రిసెప్షన్‌లో నిహారిక.. ప్రముఖ సెలబ్రిటీ డిజైనర్‌ మనీశ్‌ మల్హోత్ర రూపొందించిన బ్రైడల్ లెహంగాని ధరించి మెరిసిపోయారు. లైట్‌ గ్రీన్‌, గోల్డ్‌ కలర్‌లో ఉన్న ఈ లెహంగాలో నిహారిక చాలా అందంగా కనిపించారు. అయితే, మనీశ్‌ మల్హోత్ర బ్రైడల్ కలెక్షన్‌ ప్రమోషన్‌లో భాగంగా ఇటీవల రూపొందించిన ఓ ప్రకటనలో జాన్వీ కపూర్ ఈ లెహంగానే ధరించి రాకుమార్తెలా ముస్తాబయ్యారు. అప్పట్లో జాన్వీ ఫొటోలు కూడా ఆన్‌లైన్‌లో వైరల్‌గా మారాయి.