పట్టిస్తే లక్ష రూపాయలు నజరానా: నిధి అగర్వాల్

తరచూ అభిమానులతో సామాజిక మాధ్యమాల వేదికగా టచ్​లో ఉంటోంది నటి నిధి అగర్వాల్. తనకు సంబంధించిన విషయాలను ఎప్పటికప్పుడు పంచుకుంటూ ఉంటుంది. తాజాగా ఓ కుక్క తప్పిపోయిన విషయాన్ని పోస్ట్ చేసింది. పట్టించిన వారికి రివార్డు లభిస్తుందని పేర్కొంది.

వరుస చిత్రాలతో బిజీగా ఉన్న 'ఇస్మార్ట్ శంకర్' భామ నిధి అగర్వాల్ సామాజిక మాధ్యమాల్లోనూ క్రియాశీలకంగా వ్యవహరిస్తుంది. తరచూ తనకు సంబంధించిన ఫొటోలను, వ్యక్తిగత విషయాలను పంచుకుంటూ ఉంటుంది. తాజాగా ఆమె ఓ కుక్కకు సంబంధించిన పోస్ట్​ను నెట్టింట షేర్ చేసింది. ఆ కుక్క పేరు కోకో అని అది కనిపించకుండా పోయిందని తెలిపింది. అలాగే ఆ పెట్​ను పట్టిస్తే లక్ష రూపాయల రివార్డు కూడా లభిస్తుందని అందులో పేర్కొంది. దానికి సంబంధించిన కాంటాక్ట్ నెంబర్స్​ను కూడా పొందుపరిచింది.

నిధి అగర్వాల్ పోస్ట్

ప్ర‌స్తుతం పవన్ కల్యాణ్-క్రిష్ కాంబినేషన్‌లో తెరకెక్కుతోన్న 'హరిహర వీరమల్లు' చిత్రంలో నటిస్తోంది నిధి. అలాగే గల్లా అశోక్ హీరోగా రూపొందుతోన్న సినిమాలోనూ లీడ్ రోల్ పోషిస్తోంది.