'వర్షం' చిత్ర దర్శకుడు శోభన్‌ కుమారుడు సంతోష్‌, కావ్య జంటగా నటిస్తున్న విభిన్న ప్రేమకథా చిత్రం 'ఏక్ మినీ కథ'. కార్తిక్‌ రాప్రోలు దర్శకత్వం వహిస్తున్న ఈ సినిమా త్వరలో ప్రేక్షకుల ముందుకు రానుంది. ఈ నేపథ్యంలో ఈ చిత్ర నుంచి ఓ సరికొత్త పాటను చిత్రబృందం బుధవారం షేర్‌ చేసింది. 'స్వామి రంగా పరేషాన్‌ ఈ జీవితం' అంటూ సాగే ఈ పాట ప్రేక్షకుల్ని ఆకట్టుకునేలా ఉంది. యూవీ కాన్సెప్ట్స్‌ పతాకంపై తెరకెక్కుతోన్న ఈ చిత్రానికి మేర్లపాక గాంధీ కథ అందించారు. ప్రవీణ్ లక్కరాజు సంగీత దర్శకుడిగా వ్యవహరించారు. శ్రద్ధాదాస్‌, బ్రహ్మాజీ, సుదర్శన్‌, సప్తగిరి, పోసాని కృష్ణ మురళీ కీలకపాత్రలు పోషించారు.
కన్నడ స్టార్‌ దర్శన్‌ హీరోగా తెరకెక్కిన భారీ బడ్జెట్‌ చిత్రం 'రాబర్ట్'. తెలుగులోనూ ఇదే పేరుతో విడుదలై పాజిటివ్ టాక్ తెచ్చుకుంది. ఆశాభట్‌ నాయిక. ఇప్పుడీ సినిమా ఓటీటీలో సందడి చేసేందుకు సిద్ధమైంది. అమేజాన్ ప్రైమ్లో ఏప్రిల్ 25న విడుదల చేయనున్నట్లు ప్రకటించింది చిత్రబృందం.