NBK107: నందమూరి బాలకృష్ణ కొత్త సినిమా నుంచి మరో అప్డేట్ వచ్చేసింది. తమిళ ప్రముఖ నటి వరలక్ష్మి శరత్కుమార్.. ఈ చిత్రంలోని కీలక పాత్ర కోసం ఎంపికైంది. ఈ విషయాన్ని బుధవారం అధికారికంగా ప్రకటించారు. కన్నడ నటుడు దునియా విజయ్ను కూడా ఈ ప్రాజెక్టులోకి తీసుకున్నట్లు ఇటీవల వెల్లడించారు.
మాస్ ఎంటర్టైనర్గా తెరకెక్కే ఈ సినిమాకు 'క్రాక్'తో హిట్ కొట్టిన గోపీచంద్ మలినేని దర్శకత్వం వహిస్తారు. తమన్ సంగీతమందిస్తారు. మైత్రీ మూవీ మేకర్స్ నిర్మించనుంది. ఈ ఏడాది దసరాకు ఈ సినిమా విడుదలయ్యే అవకాశాలు కనిపిస్తున్నాయి.
Sankranti 2022 cinemas: సంక్రాంతి రేసులో మరో సినిమా చేరింది. 'ఉనికి' టైటిల్తో తెరకెక్కిన చిత్రాన్ని జనవరి 15న థియేటర్లలోకి తీసుకురానున్నట్లు వెల్లడించారు. ఈ సినిమాలో అశిష్ గాంధీ, చిత్ర శుక్లా హీరోహీరోయిన్లుగా నటిస్తున్నారు. రాజ్కుమార్ దర్శకత్వం వహిస్తున్నారు.
Gehraiyaan movie: దీపికా పదుకొణె కొత్త సినిమా 'గెహరయాన్' కొత్త రిలీజ్ డేట్ను ప్రకటించారు. ఫిబ్రవరి 11న అమెజాన్ ప్రైమ్ వీడియోలో నేరుగా విడుదల చేయనున్నట్లు తెలిపారు. దీనితోపాటే కొత్త పోస్టర్లను రిలీజ్ చేశారు.