*నయనతార 'నేత్రికన్' ట్రైలర్ విడుదలైంది. సస్పెన్స్ థ్రిల్లర్ కథతో దీనిని తెరకెక్కించారు. ఇందులో నయన్ అంధురాలిగా నటించింది. నగరంలో అమ్మాయిలను కిడ్నాప్ చేసే సైకో కిల్లర్కు, నయన్ పాత్రకు మధ్య జరిగిన సన్నివేశాలు ఆద్యంతం ఆకట్టుకుంటున్నాయి. మిలింద్ రాజ్ దర్శకత్వం వహించారు. ఆగస్టు 13న డిస్నీ ప్లస్ హాట్స్టార్లో ఈ సినిమా విడుదల కానుంది.
*సుధీర్బాబు హీరోగా నటిస్తున్న చిత్రం 'శ్రీదేవి సోడా సెంటర్'. 'పలాస 1978'తో అలరించిన కరుణ్ కుమార్ దర్శకత్వం వహిస్తున్నారు. ఇందులోని శ్రీదేవి పాత్రను పరిచయం చేసేందుకు రంగం సిద్ధమైంది. శుక్రవారం ఉదయం 10 గంటలకు ఆమె పాత్ర పోషించిన నటి ఎవరో వెల్లడించనున్నట్లు తెలిపారు.