స్వీయ నిర్బంధంలో నయన్, విఘ్నేశ్ జోడీ

కరోనా ప్రభావం వల్ల కోలీవుడ్ ప్రేమజంట విఘ్నేశ్ శివన్, నయనతార స్వీయ నిర్బంధంలో ఉన్నారు. ఈ సమయాన్ని వారు సరదాగా గడుపుతున్నారు. తాజాగా సామాజిక మాధ్యమాల్లో నయనతార పోస్ట్ చేసిన ఓ వీడియోను చూస్తే ఇది అర్థమవుతోంది.

కరోనా కారణంగా స్వీయ నిర్బంధంలో ఉంటున్నారు పలువురు సెలిబ్రిటీలు. వారికి దొరికిన ఖాళీ సమయాన్ని కుటుంబ సభ్యులతో సరదాగా గడుపుతున్నారు. కోలీవుడ్ ప్రేమజంట నయనతార, విఘ్నేశ్ శివన్ కూడా సెల్ఫ్ క్వారంటైన్​లో ఉన్నారు. సామాజిక మాధ్యమాల్లో ఫొటోలు, వీడియోలతో నెటిజన్లను అలరిస్తున్నారు. తాజాగా ఈ జోడీ ఓ క్యూట్ వీడియోను షేర్ చేసింది. ఇందులో ఈ జంటను చూసిన నెటిజన్లు ఫిదా అవుతున్నారు.

అలాగే ప్రధానమంత్రి నరేంద్ర మోదీ ప్రకటించిన జనతా కర్ఫ్యూకు మద్దతిచ్చారు నయన్, విఘ్నేశ్. అత్యవసర సమయాల్లో తమ ప్రాణాలను కూడా లెక్కచేయకుండా కృషిచేస్తున్న వైద్య, పోలీసు, పారా మెడికల్‌ సిబ్బందిని మెచ్చుకున్నారు. ఈ కార్యక్రమంలో అందరూ చప్పళ్లతో వారికి ప్రశంసలు తెలియజేశారు. అయితే ఈ జోడీ ఒకరి చేతిలో ఒకరు చేయి వేసుకుని కరతాళ ధ్వనులు చేశారు. ఈ ఫొటోను కుడా షేర్ చేసింది నయనతార.

నయన్, విక్కీ జోడీ