బాలీవుడ్ విలక్షణ నటుడు నవాజుద్దీన్ సిద్ధిఖీ నుంచి విడాకులు కోరుతూ ఆయన భార్య ఆలియా సిద్దిఖీ లీగల్ నోటీసులు పంపించారు. లాక్డౌన్ కారణంగా ఈ-మెయిల్‌, వాట్సాప్‌ల ద్వారా సిద్ధిఖీకి ఈ నెల 7న నోటీసులు పంపినట్లు ఆమె తరఫు లాయర్ అభయ్ తెలిపారు. విడిపోయిన అనంతరం ఆలియాకు చెల్లించాల్సిన భరణం గురించి అందులో ప్రస్తావించినట్లు పేర్కొన్నారు. అయితే లీగల్ నోటీసులపై నవాజుద్దీన్ నుంచి ఇప్పటివరకు ఎలాంటి స్పందన రాలేదని లాయర్ అభయ్ వెల్లడించారు.
నవాజుద్దీన్, ఆలియా 2009లో వివాహం చేసుకున్నారు. వీరికి ఇద్దరు సంతానం. నవాజుద్దీన్ గతంలో షీబా అనే మహిళను వివాహమాడి ఆమె నుంచి విడిపోయారు.