బాలీవుడ్ నటుడు నవాజుద్దీన్ సిద్ధిఖీ అరుదైన గౌరవం పొందాడు. అంతర్జాతీయ స్థాయిలో నటుడిగా రాణిస్తున్నందుకుగానూ కార్డిఫ్ అంతర్జాతీయ చలనచిత్రోత్సవాల్లో ప్రతిష్టాత్మక గోల్డెన్ డ్రాగన్ అవార్డు అందుకున్నాడు. కార్డిఫ్లో ఆదివారం.. యూకే కౌన్సిల్ ఆఫ్ జనరల్ మిక్ ఆంటోని చేతుల మీదుగా ఈ పురస్కారం అందుకున్నాడు నవాజ్.
'జేమ్స్బాండ్' సినిమాతో ప్రసిద్ధి గాంచిన హాలీవుడ్ నటి జూడీ డెంచ్.. ఈ ఈవెంట్లో జీవితకాల సాఫల్య పురస్కారం సొంతం చేసుకుంది. ట్విట్టర్లో ఈమెకు శుభాకాంక్షలు చెబుతూ సంబంధిత ఫొటోలను పంచుకున్నాడు నవాజ్.
"జీవితకాల సాఫల్య పురస్కారం దక్కించుకున్నందుకు జూడీ డెంచ్కు శుభాకాంక్షలు. నాకు అవార్డు ప్రదానం చేసిన యూకే కౌన్సిల్ ఆఫ్ జనరల్ మిక్ ఆంటోనికి ధన్యవాదాలు" -నవాజుద్దీన్ సిద్దిఖీ, బాలీవుడ్ నటుడు
నవాజుద్దీన్ సిద్ధిఖీ ట్వీట్ నెట్ఫ్లిక్స్లో ప్రచారమైన 'సేక్రెడ్ గేమ్స్', రితేష్ బత్రా 'ఫొటోగ్రాఫ్'లతో అంతర్జాతీయ గుర్తింపు పొందాడు నవాజుద్దీన్. ప్రస్తుతం బాలీవుడ్లో 'మోతీచూర్ ఛక్నాచూర్' సినిమాలో నటిస్తూ బిజీగా ఉన్నాడు. వచ్చే నెల 1న ప్రేక్షకుల ముందుకు రానుంది.
ఇది చదవండి: విక్టరీ వెంకటేశ్ చిత్రంలో నవాజుద్దీన్..!
