తెలుగులో చాలా సినిమాల్లో సహాయ నటుడిగా, హీరోగా నటించాడు నవదీప్. గౌతమ్‌ ఎస్‌.ఎస్‌.సి’ చిత్రంతో బాగా గుర్తింపు తెచ్చుకున్నాడీ యువహీరో. ప్రస్తుతం బాలీవుడ్‌ నటి సన్నీ లియోనితో కలిసి ఓ వెబ్‌సీరీస్‌లో నటిస్తున్నాడు. ఈ శృంగార తార నటించిన 'రాగిణి ఎంఎంఎస్‌' వెబ్ సీరీస్‌ రెండో సీజన్లో ఓ కీలక పాత్రలో కనిపించనున్నాడు నవదీప్.
ఇప్పటికే తెలుగులోనూ కొన్ని వెబ్ సిరీస్‌ల్లో నటించిన ఈ హీరో.. బాలీవుడ్‌లోకి అడుగుపెట్టనున్నాడు. ఈ ప్రాజెక్టు గురించి వెళ్లడిస్తూ... నవదీప్‌తో కలిసి తీసుకున్న ఫొటోను అభిమానులతో పంచుకుంది సన్నీ.