కొత్త కథానాయకులు, దర్శకులతో విభిన్న కథాంశాలు తెరకెక్కిసున్నాడు హీరో నాని. ఈ నేచురల్ స్టార్కు చెందిన ప్రొడక్షన్ హౌస్ 'వాల్పోస్టర్ సినిమా' నుంచి గతంలో 'అ!' అనే చిత్రం ప్రేక్షకుల ముందుకు వచ్చింది. తాజాగా ఇదే బ్యానర్పై రెండో చిత్రానికి నేడు పూజా కార్యక్రమాలు నిర్వహించింది చిత్రబృందం.
నాని వాల్పోస్టర్ నుంచి 'హిట్' సినిమా
నేచురల్ స్టార్ నాని నిర్మాణంలో మరో ప్రాజెక్టు మొదలైంది. గతంలో తన ప్రొడక్షన్ హౌస్ వాల్పోస్టర్ సినిమా నుంచి 'అ!' అనే విభిన్న కథ తెరకెక్కింది. తాజాగా ఇదే నిర్మాణ సంస్థ ఆధ్వర్యంలో 'హిట్' అనే చిత్రానికి నేడు కొబ్బరికాయ కొట్టేశాడు.
నాని వాల్పోస్టర్ నుంచి 'హిట్' సినిమా..!
'హిట్ ది ఫస్ట్‌ కేస్‌' పేరుతో తెరకెక్కుతున్న ఈ చిత్రానికి శైలేష్‌ కొలను దర్శకుడిగా పరిచయం కానున్నాడు. ఈ నగరానికి ఏమైంది, ఫలక్నుమా దాస్ చిత్రాల్లో నటించిన విశ్వక్‌సేన్‌ కథానాయకుడు. రుహాని శర్మ కథానాయిక. ప్రశాంతి తిపిర్నే‌ని నిర్మాతగా వ్యవహరిస్తున్నాడు. వివేక్ సాగర్ బాణీలు సమకూర్చనున్నాడు. ఈ సినిమా ఫస్ట్‌లుక్‌ పోస్టర్‌ను నాని సోషల్‌మీడియా వేదికగా అభిమానులతో పంచుకున్నాడు. ఈ సినిమా షూటింగ్‌ ఈరోజు నుంచి ప్రారంభమైంది.
తొలిసారి వాల్పోస్టర్ సినిమా బ్యానర్పై వచ్చిన 'అ!' సినిమాకు నాని నిర్మాతగా వ్యవహరించాడు. ప్రశాంత్‌ వర్మ దర్శకత్వం వహించిన ఈ చిత్రంలో... కాజల్‌, నిత్యామేనన్‌, రెజీనా, అవసరాల శ్రీనివాస్‌ కీలక పాత్రలు పోషించారు. గతేడాది విడుదలైన ఈ సినిమాకు ప్రేక్షకుల నుంచి మిశ్రమ స్పందన లభించింది.