'వి', 'టక్ జగదీష్', 'శ్యామ్‌ సింగరాయ్‌'... యువ కథానాయకుడు నాని కొత్త సినిమాల జాబితా ఇది. అంతా అనుకున్నట్టు జరిగుంటే ఈ ఏడాదిలోనే ఈ మూడు చిత్రాలు ప్రేక్షకుల ముందుకొచ్చేవి. కానీ కరోనాతో వచ్చిన విరామం అన్ని సినిమాలపైనా ప్రభావం చూపించింది. అయినా సరే... నాని ఈ ఏడాది మరో కొత్త సినిమా ముచ్చటని వినిపించబోతున్నారు.
యువ దర్శకుడు వివేక్ ఆత్రేయ చెప్పిన కథ నానికి నచ్చింది. ఈ ఏడాది చివరలో వీరి కలయికలో సినిమా ఆరంభం కాబోతోంది. మైత్రీ మూవీ మేకర్స్‌ నిర్మించబోతోంది. 'మెంటల్‌ మదిలో', 'బ్రోచేవారెవరురా' చిత్రాలతో ఆకట్టుకున్న వివేక్ ఆత్రేయతో నాని సినిమా చేస్తుండడం ఆసక్తిని రేకెత్తిస్తోంది.