మూవీ ఆర్టిస్ట్‌ అసోసియేషన్ 'మా' ఎన్నికల కారణంగా గత కొన్నినెలల క్రితం తెలుగు చిత్రపరిశ్రమలో రాజుకున్న వేడి ఇంకా చల్లారలేదు. ఎన్నికల్లో విజయం సాధించిన మంచు విష్ణు ప్యానెల్‌కు సపోర్ట్‌గా నిలిచిన నరేశ్‌పై తీవ్ర ఆరోపణలు చేస్తూ ప్రకాశ్రాజ్ ప్యానెల్ సభ్యులు మంగళవారం సాయంత్రం మీడియా సమావేశం నిర్వహించారు. అంతేకాకుండా, ప్రకాశ్రాజ్ ప్యానెల్ నుంచి గెలుపొందిన 11 మంది సభ్యులు.. తమ పదవులకు రాజీనామా చేస్తున్నట్లు ప్రకటించారు. ఈ వాడీవేడీ ఆరోపణల మధ్య నటుడు మంచు విష్ణు బుధవారం ఉదయం 'మా' అధ్యక్షుడిగా బాధ్యతలు స్వీకరించారు. ఈ సందర్భంగా నరేశ్ మాట్లాడుతూ.. కొన్ని కీలక వ్యాఖ్యలు చేశారు. ఎన్నికలు అయ్యాక కూడా ఎందుకు ఆరోపణలు చేస్తున్నారు? అంటూ నరేశ్ ప్రశ్నించారు.
'మా' మాజీ అధ్యక్షుడు నరేశ్