టాలీవుడ్‌లో మరో సినిమా విడుదల వాయిదా పడింది. ఇటీవల 'లవ్ స్టోరీ' చిత్రం విడుదల వాయిదా పడగా.. ఇప్పుడు నాని హీరోగా నటిస్తున్న 'టక్ జగదీష్‌' విడుదల కూడా పోస్ట్పోన్ అయింది. ఈ విషయాన్ని చిత్ర నిర్మాణ సంస్థ షైన్‌స్క్రీన్స్‌ ట్విటర్‌ వేదికగా వెల్లడించింది. "ప్రస్తుతం నెలకొన్న కారణాల వల్ల ‘టక్ జగదీష్‌’ విడుదల వాయిదా వేయాలని నిర్ణయించాం. తదుపరి విడుదల తేదీ త్వరలోనే ప్రకటిస్తా" అంటూ ఆ ట్వీట్‌లో పేర్కొంది. అయితే.. కరోనా కేసులు పెరుగుతున్న కారణంతోనే చిత్రబృందం ఈ నిర్ణయం తీసుకుందా.. లేక వేరే ఏమైనా కారణాలున్నాయా అనే విషయం ఇంకా స్పష్టం కాలేదు.
నాని 'టక్ జగదీశ్' విడుదల తేదీ వాయిదా - నాని టగదీశ్ విడుదల తేదీ వాయిదా
శివ నిర్వాణ దర్శకత్వంలో నాని హీరోగా తెరకెక్కిన 'టక్ జగదీష్‌' సినిమా విడుదల తేదీ వాయిదా పడింది. త్వరలోనే కొత్త తేదీని ప్రకటిస్తామని తెలిపింది చిత్రబృందం.
టక్జగదీశ్
శివ నిర్వాణ దర్శకత్వంలో తెరకెక్కిన 'టక్ జగదీష్‌' చిత్రాన్ని షైన్‌ స్క్రీన్స్‌ పతాకంపై సాహు గారపాటి, హరీశ్‌ పెద్ది నిర్మిస్తున్నారు. ఈ చిత్రం ఏప్రిల్‌ 23న ప్రేక్షకుల ముందుకు రావాల్సి ఉంది. ఈ చిత్రంలో నాని సరసన రీతూవర్మ సందడి చేయనుంది. జగపతిబాబు కీలకపాత్రలో కనిపించనున్నారు. తమన్‌ సంగీతం అందించారు. శివనిర్వాణతో కలిసి నాని చేస్తున్న రెండో సినిమా ఇది. గతంలో వీరిద్దరి కాంబినేషన్‌లో వచ్చిన 'నిన్ను కోరి' ప్రేక్షకులను విశేషంగా అలరించింది.
ఇదీ చూడండి:'లవ్స్టోరీ' వాయిదా- 'రౌడీ బాయ్స్'లో అనుపమ