షూటింగ్​ పూర్తిచేసిన నాని​.. 'గల్లీ రౌడీ' రిలీజ్​కు రెడీ

సినిమా అప్డేట్స్​ వచ్చాయి. ఇందులో నాని 'శ్యామ్‌ సింగరాయ్‌', సందీప్​ కిషన్ 'గల్లీ రౌడీ'​, రెజీనా, నివేదా థామస్ కొత్త​ చిత్రాల సంగతులు ఉన్నాయి.

నేచురల్ స్టార్ నాని, సాయి పల్లవి హీరోహీరోయిన్లుగా నటిస్తున్న సినిమా 'శ్యామ్ సింగరాయ్'. 'ట్యాక్సీవాలా' ఫేమ్ రాహుల్‌ సంకృిత్యాన్‌ దర్శకత్వం వహించారు. కృతిశెట్టి, మడోన్నా సెబాస్టియిన్‌ ఇతర హీరోయిన్లుగా చేశారు. సోమవారంతో ఈ సినిమా షూటింగ్​ పూర్తయినట్లు ప్రకటించారు. త్వరలో ట్రైలర్​తో పాటు విడుదల తేదీపై స్పష్టతనిచ్చే అవకాశముంది.

నాని శ్యామ్​ సింగరాయ్​

నాని శ్యామ్​ సింగరాయ్​

సిద్ధార్థ్ మల్హోత్రా సైనికుడిగా నటిస్తున్న చిత్రం 'షేర్షా'. కార్గిల్ వార్​లో వీరమరణం పొందిన విక్రమ్​బత్రా జీవితం ఆధారంగా ఈ సినిమా రూపొందించారు. తాజాగా ఈ సినిమా ట్రైలర్​ విడుదల చేశారు. ఆగస్టు 12 నుంచి అమెజాన్ ప్రైమ్​లో 'షేర్షా' స్ట్రీమింగ్ కానుంది. కియారా అడ్వాణీ హీరోయిన్​. విష్ణువర్ధన్​ దర్శకుడు.

కొరియన్‌ చిత్రం 'మిడ్‌ నైట్‌ రన్నర్స్‌' తెలుగులో రీమేక్ చేస్తున్నారు. రెజీనా, నివేదా థామస్‌ ప్రధాన పాత్రల్లో నటిస్తుండగా.. సుధీర్‌ వర్మ దర్శకత్వం వహిస్తున్నారు. సురేష్​ ప్రొడక్షన్స్​, గురు ఫిల్మ్స్​-క్రాస్​ పిక్చర్స్ సంయుక్తంగా నిర్మిస్తున్నాయి. ప్రస్తుతం షూటింగ్ జరుగుతోంది. ఈ విషయాన్ని చెబుతూ ఓ ఫొటోను విడుదల చేశారు.

రెజీనా, నివేదా

సందీప్‌ కిషన్, బాబీ సింహా ప్రధాన పాత్రల్లో రూపొందిన చిత్రం 'గల్లీ రౌడీ'. జి.నాగేశ్వర రెడ్డి దర్శకుడు. ఈ సినిమా సెన్సార్​ కార్యక్రమాల్ని పూర్తి చేసుకుని యూ/ఏ సర్టిఫికేట్​ను అందుకుంది. ఇప్పటికే చిత్రీకరణ పూర్తి చేసుకున్న ఈ సినిమా.. ఆగస్టులో థియేటర్లలోకి రానున్నట్లు ప్రకటించారు. నేహా శెట్టి హీరోయిన్​. కోన ఫిల్మ్‌ కార్పొరేషన్‌, ఎంవీవీ సినిమా సంయుక్తంగా నిర్మించాయి.

గల్లీ రౌడీ

కన్నడ సూపర్​స్టార్ రాజ్​కుమార్​ మనవరాలు ధనయ రామ్​కుమార్​ వెండితెర అరగేట్రంకు రంగం సిద్ధమైంది. త్వరలో ఓ తమిళ సినిమాతో హీరోయిన్​గా పరిచయం కానుంది. పూర్తి వివరాలు త్వరలో వెల్లడించనున్నారు.

రాజ్​కుమార్​తో ధనయ రామ్​కుమార్

ధనయ రామ్​కుమార్

రజనీకాంత్​తో

స్టార్ హీరోలు పునిత్​, శివ రాజ్​కుమార్​తో

ఇదీ చూడండి: బికినీ పోజులతో అలజడి రేపుతున్న డ్యాన్సర్​