అల్లరి నరేశ్​ పేరు మార్చుకో.. నాని సలహా

థియేటర్లలో 'నాంది' సినిమాకు విశేషాదరణ లభిస్తున్న దృష్ట్యా హీరో అల్లరి నరేశ్​ను మెచ్చుకున్నారు నాని. పేరు మార్చుకోవాలని అతడికి సూచిస్తూ ట్వీట్ చేశారు.

'నాంది' సినిమాతో ఇటీవల ప్రేక్షకుల ముందుకొచ్చిన అల్లరి నరేశ్​.. దాదాపు ఎనిమిదేళ్ల విరామం తర్వాత బాక్సాఫీస్​ దగ్గర హిట్​ కొట్టారు! దీంతో నెటిజన్ల నుంచి సెలబ్రిటీల వరకు అతడి నటనను మెచ్చకున్నారు. ఈ క్రమంలోనే హీరో నాని.. నరేశ్​ను ప్రశంసలతో ముంచెత్తుతూ ట్వీట్ చేశారు.

'రేయ్ రేయ్ రేయ్.. 'అల్లరి నరేశ్' పేరు మార్చేయ్ ఇంక.. అల్లరి గతం.. భవిష్యత్తుకు ఇది నాంది​. ఒక గొప్ప నటుడిని నీలో చూశాను. చాలా సంతోషంగా ఉంది. ఇకపై ఇలాంటివి నీ నుంచి మరిన్ని రావాలని కోరుకుంటున్నాను" అని నాని ట్వీట్ చేయగా, 'థ్యాంక్యూ బాబాయ్' అని నరేశ్​ రీట్వీట్ చేశారు.

కోర్టు డ్రామాగా తెరకెక్కిన ఈ సినిమాలో న్యాయం కోసం పోరాడే వ్యక్తిగా అల్లరి నరేశ్ నటించారు. వరలక్ష్మి శరత్​ కుమార్ కీలకపాత్రలో మెప్పించారు. విజయ్ కుమార్ కనకమేడల దర్శకుడిగా పరిచయమయ్యారు.