కరోనా ఆపత్కాల పరిస్థితుల్లో బాధితుల్ని ఆదుకునేందుకు ఫ్రంట్ లైన్ వర్కర్స్ ఎంతో సేవ చేస్తున్నారు. వారి జీవితాల్ని పణంగా పెట్టి బాధ్యతలు నిర్వర్తిస్తున్నారు. వారి రుణం తీర్చుకోలేది అనడంలో సందేహం లేదు. తాజాగా ఇదే ఇతివృత్తంపై నేచురల్ స్టార్ నాని ఓ షార్ట్ ఫిల్మ్ తెరకెక్కిస్తున్నారట. తాజాగా ఆయన నెట్టింట పెట్టిన ఓ పోస్టు ఇందుకు బలం చేకూరుస్తోంది.
వారి కోసం నాని 'సమ్థింగ్ స్పెషల్'!
కరోనా సమయంలో తమ ప్రాణాలకు తెగించి బాధ్యతలు నిర్వర్తిస్తున్నారు ఫ్రంట్లైన్ వర్కర్స్. వారిపై ఓ షార్ట్ ఫిల్మ్ తెరకెక్కిస్తున్నారట. ఇందులో నేచురల్ నాని కీలకపాత్ర పోషిస్తున్నారని తెలుస్తోంది. నెట్టింట ఆయన షేర్ చేసిన ఓ ఫొటో ఇందుకు బలాన్ని చేకూరుస్తోంది.
నాని
తన సోషల్ మీడియాలో ఓ పోస్ట్ పెట్టిన నాని 'ఫర్ ఎవర్ ఫ్రంట్ లైన్ వర్కర్స్, సమ్థింగ్ స్పెషల్ కమింగ్ సూన్' అంటూ క్యాప్షన్ ఇచ్చారు. కెమెరాలో సన్నివేశాన్ని చూస్తోన్న ఓ ఫొటోను షేర్ చేశారు. దీనిని చూస్తుంటే ఇదొక షార్ట్ ఫిల్మ్ అని తెలుస్తోంది. దీంతో అభిమానులు కామెంట్ల వర్షం కురిపిస్తూ ఎప్పుడూ రిలీజ్ చేయబోతున్నారంటూ వాకబు చేస్తున్నారు.