బాలీవుడ్​కు నాని 'శ్యామ్​ ​ సింగరాయ్​'.. హీరో ఎవరంటే?

Nani Shyamsingharoy hindi remake: నాని నటించిన 'శ్యామ్​సింగరాయ్​' హిందీ రీమేక్​కు రంగం సిద్ధమైనట్లు తెలిసింది. ఓ బాలీవుడ్​ స్టార్​ హీరో.. ఈ సినిమాలో నటిస్తారని సమాచారం. త్వరలోనే దీనిపై అధికార ప్రకటన వచ్చే అవకాశముంది.

Nani Shyamsingharoy hindi remake: నేచురల్​ స్టార్​ నాని నటించిన మరో సినిమా బాలీవుడ్​లో రీమేక్​ అయ్యేందుకు సిద్ధమైంది. ఇప్పటికే షాహిద్​ కపూర్ హీరోగా రూపొందిన 'జెర్సీ' హిందీ రీమేక్​ విడుదలకి సిద్ధం కాగా.. ఇప్పుడు 'శ్యామ్​ సింగరాయ్​'ను కూడా బాలీవుడ్​లో తెరకెక్కించేందుకు సన్నాహాలు చేస్తున్నట్లు తెలిసింది. ఓ బడా ప్రొడక్షన్ హౌస్ హిందీ రీమేక్ హక్కులను కొనుగోలు చేసేందుకు ఆసక్తి చూపుతోందట. ఇందులో షాహిద్​ కపూర్ లేదా అజయ్​ దేవగణ్​ నటిస్తారని సమాచారం. ప్రస్తుతం దీనిపై చర్చలు జరుగుతున్నాయి. త్వరలోనే స్పష్టత రానుంది.

'టాక్సీవాలా' ఫేమ్​ రాహుల్​ సంకృత్యన్.. 'శ్యామ్​సింగరాయ్​'కు​ దర్శకత్వం వహించారు. సాయిపల్లవి, కృతిశెట్టి​ కీలక పాత్రల్లో నటించారు. 1970 కాలం నాటి కోల్​కతా బ్యాక్​డ్రాప్​లో హై వోల్టేజ్​ పీరియాడికల్​ యాక్షన్​ ఎంటర్​టైనర్​గా రూపొందిందీ చిత్రం. కాగా, నాని ప్రస్తుతం 'అంటే సుందరానికి', 'దసరా' చిత్రాల్లో నటిస్తున్నారు.

ఇదీ చూడండి: సూపర్ లుక్స్​లో అవికా, పూజా, ఊర్వశి!