"నా అభిమానులుగా ఉన్న మీరంతా గర్వపడేలా చేసేందుకు ప్రతిరోజూ కష్టపడుతూనే ఉంటాన"ని అన్నారు కథానాయకుడు నాని. శివ నిర్వాణ దర్శకత్వంలో నాని హీరోగా 'టక్ జగదీష్' చిత్రం తెరకెక్కుతోంది. ఈ సినిమా ఏప్రిల్‌ 23న ప్రేక్షకుల ముందుకు రానుంది. ఈ నేపథ్యంలో చిత్రబృందం 'పరిచయ వేడుక' కార్యక్రమం ఏర్పాటు చేసింది. ఈ సందర్భంగా నాని మాట్లాడారు.
"ఏడాది పాటు అభిమానులను చాలా మిస్‌ అయ్యాను. మళ్లీ ఇప్పుడు ఇలా చూస్తుండడం చాలా సంతోషంగా ఉంది. అందరిలా నాకోసం గొడవలు పడటమో.. కటౌట్లు పెట్టడం.. పాలాభిషేకాలు చేయడం నాకు అవసరం లేదు. నన్ను చూసి మీరు గర్వపడేలా చేసేందుకు ప్రతిరోజూ కష్టపడతానని ప్రమాణం చేస్తున్నా."
- నాని, కథానాయకుడు