Nani Dussera movie update: ఇటీవలే 'శ్యామ్‌ సింగరాయ్‌'తో విజయాన్ని అందుకున్న హీరో నాని.. ప్రస్తుతం శ్రీకాంత్‌ ఓదెల దర్శకత్వంలో 'దసరా' సినిమా చేస్తున్నారు. వైవిధ్యమైన, కథతో రూపొందుతున్న ఈ మూవీలో కీర్తిసురేష్‌ కథానాయిక. తాజాగా ఈ మూవీ నుంచి అదిరిపోయే అప్డేట్ వచ్చింది. మార్చి 20న ఉదయం 11.34గంటలకు 'స్పార్క్ ఆఫ్ దసరా' పేరుతో ఓ మాస్ సర్ప్రైజ్ ఇవ్వనున్నట్లు తెలిపింది చిత్రబృందం. దీంతోపాటే ఓ మాస్ పోస్టర్ను రిలీజ్ చేసింది. ఈ సినిమాను శ్రీ లక్ష్మీ వెంకటేశ్వర సినిమాస్‌ పతాకంపై సుధాకర్‌ చెరుకూరి నిర్మిస్తున్నారు. సింగరేణి బొగ్గు గనులున్న ప్రాంతంలోని ఒక గ్రామం నేపథ్యంలో సాగే కథ ఇది అని తెలిసింది. నాని యాక్షన్‌తో కూడిన పాత్రను పోషిస్తున్నారు. సముద్రఖని, సాయికుమార్‌, జరీనా వాహబ్‌ తదితరులు కీలక పాత్రలు పోషిస్తున్నారు. సంతోష్ నారాయణన్ సంగీతం అందిస్తున్నారు.
Prabhas Radheshyam movie: ప్రభాస్-పుజాహెగ్డే వింటేజ్ లవ్స్టోరీ 'రాధేశ్యామ్'. ఈ సినిమా మిశ్రమ స్పందనలను అందుకుంది. తాజాగా ఈ డివైడ్ టాక్పై దర్శకుడు రాధాకృష్ణ స్పందించారు.