నేచురల్ స్టార్ నాని సమర్పణలో వస్తున్న 'హిట్' సినిమా రేపు(శుక్రవారం) ప్రేక్షకుల ముందుకు రానుంది. ఈ సందర్భంగా హైదరాబాద్లో గురువారం మీడియా సమావేశం ఏర్పాటు చేశారు. ఇందులో ఆసక్తికర విషయాలు వెల్లడించాడు నాని.
ఏడుసార్లు చూశా.. ఒక్కసారైనా బోర్ కొట్టలేదు: నాని
'హిట్' చిత్ర విడుదల నేపథ్యంలో పలు ఆసక్తికర విషయాలు వెల్లడించాడు నిర్మాత నాని. తన బ్యానర్లో స్టార్ డైరెక్టర్లు పనిచేయరని, తను హీరోగా నటించనని స్పష్టం చేశాడు.
హీరో నాని
"రేపు(శుక్రవారం) సినిమా విడుదలవుతుంది. చాలా ఆనందంగా, కాన్ఫిడెంట్గా ఉన్నాం. మీరు చూసిన తర్వాత ట్విస్ట్లు, కీలక సన్నివేశాల గురించి ఎక్కువగా రివీల్ చేయొద్దని ఓ నిర్మాతగా చెబుతున్నా. మా బ్యానర్లో కంటెంట్ ప్రాధాన్యత ఉన్న సినిమాలనే నిర్మిస్తాం. ఇందులో స్టార్ డైరెక్టర్లు పనిచేయరు. నేనూ నటించను. నాకు కథ నచ్చి, నేను చేయలేని సినిమాలు ఇందులో తీస్తా. నేను ఇప్పటివరకు 'హిట్'ను ఏడుసార్లు చూశా. ఒక్కసారైనా బోర్ కొట్టలేదు" -నాని, నిర్మాత-హీరో
ఈ చిత్రంలో విశ్వక్సేన్, రుహానీ శర్మ హీరోహీరోయిన్లు. శైలేష్ కొలను దర్శకత్వం వహించాడు. వాల్పోస్టర్ సినిమాస్ సమర్పణలో ప్రశాంతి త్రిపురనేని నిర్మించారు.
Last Updated : Mar 2, 2020, 7:36 PM IST