ఈ 'పోతురాజు'.. డైరెక్టర్​ పూరీకి వీరాభిమాని

నందు విజయ్ కృష్ణ ప్రధాన పాత్రలో నటిస్తున్న 'బొమ్మ బ్లాక్​బస్టర్' ఫస్ట్​లుక్ విడుదలైంది. మాస్​ పాత్రలో కనిపిస్తూ ఆకట్టుకుంటున్నారు.

సహాయనటుడిగా, హీరోగా రాణిస్తున్న నటుడు నందు. ప్రస్తుతం రాజ్ విరాట్ దర్శకత్వంలో 'బొమ్మ బ్లాక్‌ బస్టర్‌' సినిమా చేస్తున్నారు. శుక్రవారం అతడి పుట్టినరోజు సందర్భంగా ఫస్ట్​లుక్‌ పోస్టర్‌ విడుదల చేశారు. రష్మీ గౌతమ్‌ హీరోయిన్​గా కనిపించనుంది.

ఇందులో పోతురాజు పాత్రలో దర్శకుడు పూరీ జగన్నాథ్​కు వీరాభిమానిగా నందు నటిస్తున్నారు. పోస్టర్లో చాలా మాస్‌గా కనిపిస్తున్నారు. ప్రశాంత్‌ విహారి సంగీత దర్శకుడు. ప్రవీణ్‌ పగడాల, బోసుబాబు, ఆనంద్‌ రెడ్డి, మనోహర్‌రెడ్డి సంయుక్తంగా నిర్మిస్తున్నారు.

'బొమ్మ బ్లాక్​బస్టర్' సినిమా ఫస్ట్​లుక్