నల్ల మీసం, తెల్ల గడ్డంతో బాలయ్య న్యూలుక్​!

'రూలర్‌' తర్వాత బాలకృష్ణ నటిస్తున్న చిత్రం 'ఎన్​బీకే 106'. బోయపాటి శ్రీను దర్శకుడు. ఇప్పటికే ఈ సినిమా నుంచి టీజర్​ విడుదల చేయగా.. విపరీతమైన స్పందన లభించింది. తాజాగా బాలయ్య పాత్రకు సంబంధించిన మరో లుక్​ అభిమానులను ఆకట్టుకుంటోంది.

బాలకృష్ణ - బోయపాటి శ్రీను కాంబినేషన్​ ప్రత్యేకమైనది. ముచ్చటగా మూడోసారి వీరి కాంబోలో సినిమాకు రంగం సిద్ధమైంది. 'సింహా', 'లెజెండ్‌'.. సినిమాల్లో బాలకృష్ణ రెండో కోణం ప్రేక్షకుల్ని అలరించింది. ఆ పాత్రల్లోని బలం, భావోద్వేగాలు ప్రేక్షకులతో చప్పట్లు కొట్టించాయి. మూడో సినిమాలోనూ బాలకృష్ణ రెండో అవతారమే శక్తిమంతంగా నిలవనుంది. ఆ విషయంపై దర్శకుడు బోయపాటి ప్రత్యేకమైన శ్రద్ధ తీసుకుని పాత్రని తీర్చిదిద్దుతున్నారు. అయితే ఈ పాత్రకు సంబంధించిన ఓ ఫొటో సోషల్​మీడియాలో చక్కర్లు కొడుతోంది. నల్ల మీసం, తెల్ల గడ్డంతో బాలయ్య ఓ అభిమాని ఇంట్లో కనువిందు చేశారు. ఇదే రెండో పాత్ర లుక్​ అంటూ నెటిజన్లు ఆనందం వ్యక్తం చేస్తున్నారు.

కొత్త లుక్​లో బాలయ్య

ఈ సినిమాలో బాలకృష్ణ అఘోరాగా కనిపించనున్నారు. ఆ నేపథ్యంలో వచ్చే సన్నివేశాలు సినిమాకు ప్రత్యేక ఆకర్షణగా నిలవనున్నట్టు సమాచారం. ఇప్పటికే విడుదలైన టీజర్‌ ప్రేక్షకుల్లో అంచనాల్ని పెంచింది. ఈ సినిమా చిత్రీకరణను ఆగస్టులో కానీ, సెప్టెంబరులో కానీ పునః ప్రారంభించే అవకాశాలున్నాయి.