గతంలో కింగ్ నాగార్జున, టబు నటించిన 'నిన్నే పెళ్లాడతా' ఘనవిజయం సాధించింది. ఇప్పుడు అదే టైటిల్‌తో రకుల్ప్రీత్ సింగ్ సోదరుడు అమన్ హీరోగా ఓ చిత్రం తెరకెక్కుతోంది. అంబికా ఆర్ట్స్, ఈశ్వరి ఆర్ట్స్ పతాకాలపై బొల్లినేని రాజశేఖర్ చౌదరి, వెలుగోడు శ్రీధర్ బాబు సంయుక్తంగా నిర్మిస్తున్నారు. వైకుంఠ బోను దర్శకత్వం వహిస్తున్న ఈ సినిమా టైటిల్ లోగోను అక్కినేని నాగార్జున గురువారం హైదరాబాద్‌లో ఆవిష్కరించాడు.
అమన్, సిద్ధిక హీరోహీరోయిన్లుగా నటిస్తోన్న ఈ చిత్రంలో సాయికుమార్, సీత, ఇంద్రజ, సిజ్జు, అన్నపూర్ణమ్మ, మధునందన్ ముఖ్య పాత్రలు పోషిస్తున్నారు. ఇప్పటికే 50 శాతానికి పైగా షూటింగ్ పూర్తయింది. ఆగస్టు 2 నుంచి వైజాగ్‌లో చివరి షెడ్యూల్ ప్రారంభమవుతుంది. అక్టోబర్‌లో సినిమా రిలీజ్ చేయడానికి సన్నాహాలు చేస్తున్నారు.