'బంగార్రాజు' మామూలోడు కాదు! ఎనిమిది మంది హీరోయిన్లతో..

Bangarraju heroines: ఆరేళ్ల తర్వాత మరోసారి ముగ్గుల పండక్కి.. తెలుగు ప్రేక్షకుల్ని అలరించేందుకు 'బంగార్రాజు' వచేస్తున్నాడు. కాకపోతే ఈసారి ఏకంగా ఎనిమిది హీరోయిన్లు సినిమాలో సందడి చేయనున్నారు. ఇంతకీ ఆ భామలు ఎవరెవరంటే?

Nagarjuna bangarraju movie: ఈసారి సంక్రాంతికా 'బంగార్రాజు' సందడి చేయనుంది. ఇప్పటికే ప్రమోషన్స్​ ఫుల్​గా జరుగుతున్నాయి. 'సోగ్గాడే చిన్ని నాయన' సినిమాకు సీక్వెల్​గా తీసిన ఈ సినిమాలో ఓ విషయం తెగ ఆసక్తి కలిగిస్తోంది. అదే హీరోయిన్లు.

2016 సంక్రాంతి కానుకగా వచ్చిన 'సోగ్గాడే చిన్ని నాయన'.. అద్భుతమైన విజయం సాధించింది. ఈ కుటుంబ కథా పల్లెటూరి చిత్రం ప్రేక్షకుల్ని విశేషంగా ఆకట్టుకుంది. అందులో నాగ్​ సరసన రమ్యకృష్ణ, లావణ్య త్రిపాఠి కథానాయికలుగా చేశారు. స్పెషల్ సాంగ్​లో అనసూయ, హంస నందిని లాంటి బ్యూటీస్ అదరగొట్టేశారు.

బంగార్రాజు మూవీ పోస్టర్

మరి ఈ సినిమా సీక్వెల్​ 'బంగార్రాజు'లో అంతకంటే ఎక్కువమందే ఉన్నారు. తొలిపార్ట్​లో కనిపించిన రమ్యకృష్ణతో ఈసారి కొత్తగా కృతిశెట్టి హీరోయిన్​గా చేసింది. ఇందులో నాగచైతన్య సరసన ఆమె కనిపించనుంది. స్పెషల్​ సాంగ్​లో 'జాతిరత్నాలు' ఫేమ్ ఫరియా అబ్దుల్లా.. నాగ్-చైతూతో కలిసి డ్యాన్స్​ చేసింది.

వీళ్లే కాకుండా మీనాక్షి దీక్షిత్, దర్శనా బనిక్, వేదిక, దక్ష నగర్కర్, సిమ్రత్ కౌర్​ కూడా అతిథి పాత్రల్లో మెరిసి సందడి చేయనున్నారు. హీరోయిన్లు కాకుండా మరో ఆరుగులు ముదుగుమ్ములు ఈ సినిమాలో తమ అందచందాలతో అదరగొట్టనున్నారు.

బంగార్రాజు మూవీ హీరోయిన్స్

ఈ సినిమా కూడా పూర్తి పల్లెటూరి నేపథ్యంగానే సాగనుంది. అనూప్ రూబెన్స్ సంగీతమందించారు. తొలిపార్ట్​ తీసిన కల్యాణ్​కృష్ణ.. సీక్వెల్​కూ దర్శకత్వం వహించారు. అన్నపూర్ణ స్టూడియోస్​ బ్యానర్​పై నాగార్జున స్వయంగా నిర్మించారు. జనవరి 14న థియేటర్లలోకి రానుందీ చిత్రం.

ఇవీ చదవండి: