సామ్-చైతూ విడాకులు.. ఆ వార్తలు నన్ను బాధించాయి: నాగార్జున

తన గురించి అసత్య వార్తలు రాస్తే పట్టించుకోనని, కానీ కుటుంబం గురించి రాయడం చాలా బాధించిందని హీరో నాగార్జున అన్నారు. ఓ ఇంటర్వ్యూలో ఈ విషయాన్ని చెప్పారు.

Samantha divorce: సెలబ్రిటీ కపుల్‌ నాగచైతన్య-సమంత వైవాహిక బంధానికి స్వస్తి పలికి సుమారు మూడు నెలలు అవుతున్నా వారిద్దరి గురించి ఇంకా చర్చ నడుస్తూనే ఉంది. దీంతో వాళ్లిద్దరూ విడిపోవడానికి కారణాలు ఇవేనంటూ పలు వార్తలు, వీడియోలు నెట్టింట్లో తెగ పుట్టుకొస్తున్నాయి. అందులో భాగంగానే వివాహమానంతరం సమంత బోల్డ్‌ పాత్రలు చేయడం చైతన్య, నాగార్జునకు నచ్చలేదని.. ఆ విషయంలో అక్కినేని కుటుంబంతో సామ్‌కు గొడవలు జరిగాయని, అక్కినేని కుటుంబం సామ్‌కు ఎన్నో షరతులు పెట్టిందని.. ఇలా ఎన్నో వార్తలు దర్శనమిచ్చాయి.

Samantha naga chaitanya divorce: సామ్‌-చై విడిపోతున్నట్లు ప్రకటించిన నాటి నుంచి వచ్చిన పలు వార్తలపై నటుడు నాగార్జున ఇప్పుడు స్పందించారు. ప్రస్తుతం 'బంగార్రాజు' సక్సెస్‌ను ఎంజాయ్‌ చేస్తున్న ఆయన ఓ ఆంగ్ల పత్రికకు ఇంటర్వ్యూ ఇచ్చారు. ఇందులో భాగంగా చై-సామ్‌ విడిపోవడంపై తమ కుటుంబం గురించి వస్తున్న వార్తలపై స్పందించారు.

నాగచైతన్య-సమంత

"ప్రస్తుతం ఉన్న రోజుల్లో పలువురు కావాలని ఇలాంటి చెత్త వార్తలు సృష్టిస్తున్నారు. ముఖ్యంగా యూట్యూబ్‌ ఛానెల్స్‌లో ఇలాంటి వాటికి కొదవే లేదు. నాపై ఇలాంటి అసత్య వార్తలు రాసినా నేను పట్టించుకోలేదు. 'పండ్లున్న చెట్టుకే రాళ్ల దెబ్బలు' అనే సూక్తిని నేను నమ్ముతాను. అందుకే నా గురించి ఎప్పుడు ఎలాంటి ప్రచారాలు జరిగినా నేను అంతగా పట్టించుకోను. కానీ, నా కుటుంబం గురించి వాళ్లు నెగటివ్‌గా వార్తలు రాయడం నన్ను ఎంతో బాధించింది" అని నాగార్జున చెప్పుకొచ్చారు. నాగచైతన్య కూడా మాట్లాడుతూ అలాంటి వార్తలను తాను పట్టించుకోనని అన్నారు.

సంబంధం కోసం వెతుకుతున్నారా? తెలుగు మాట్రిమోనిలో రిజిస్ట్రేషన్ ఉచితం!

ఇవీ చదవండి: