యువ కథానాయకుడు నాగశౌర్య జోరు పెంచాడు. వెంటవెంటనే సినిమాలు ప్రకటిస్తూ ఆసక్తి పెంచేస్తున్నాడు. ప్రస్తుతం విలువిద్య నేపథ్యంలో సాగే ఓ కథని పట్టాలెక్కిస్తున్నాడు. 'ఎన్‌ఎస్‌ 20' వర్కింగ్‌ టైటితో సంతోష్‌ జాగర్లపూడి తెరకెక్కిస్తున్నాడు. లక్ష్మీ సౌజన్య అనే నూతన దర్శకురాలితో మరో చిత్రం చేస్తున్నాడు. ఇదొక అందమైన ప్రేమ కథ. తాజాగా మరో చిత్రాన్ని ప్రకటించాడు.
కుటుంబకథా చిత్రంతో నాగశౌర్య - నాగశౌర్య కొత్త చిత్రం
యువ కథానాయకుడు నాగశౌర్య సినిమాల ఎంపికలో జోరు చూపిస్తున్నాడు. ఇప్పటికే రెండు చిత్రాలు చేస్తూ బిజీగా ఉన్న ఇతడు మరో సినిమాకు గ్రీన్ సిగ్నల్ ఇచ్చాడు.
నాగశౌర్య మరో చిత్రం ఖరారైంది
కుటుంబ కథా నేపథ్యంలో సాగే ఈ చిత్రాన్ని 'అలా ఎలా', 'లవర్‌' చిత్రాల దర్శకుడు అనీష్‌ కృష్ణ తెరకెక్కిస్తున్నాడు. ఐరా క్రియేషన్స్‌ పతాకంపై ఉషా ముల్పూరి నిర్మిస్తున్నారు. మహతి సాగర్‌ స్వరాలు సమకూరుస్తున్నాడు. త్వరలోనే మరిన్ని వివరాలు వెల్లడించనుంది చిత్రబృందం.