ఈ ఏడాది తమ అభిమాన హీరోను థియేటర్లలో చూడలేకపోతున్నామని బాధపడుతున్న సూపర్స్టార్ మహేశ్బాబు అభిమానులకు ఓ చిన్న శుభవార్త. ఇంతకీ ఏంటా వార్త అని ఆలోచిస్తున్నారా? అక్కినేని నాగచైతన్య-విక్రమ్ కె.కుమార్ కాంబినేషన్‌లో 'థాంక్‌ యూ' పేరుతో ఓ సినిమా తెరకెక్కుతోంది. ఈ రొమాంటిక్‌ ఎంటర్‌టైనర్‌కు దిల్‌రాజు నిర్మాత. అయితే.. ఈ సినిమా గురించి ఒక వార్త సామాజిక మాధ్యమాల్లో తెగ చక్కర్లు కొడుతోంది. చిత్రంలో హీరో నాగచైతన్య టాలీవుడ్‌ సూపర్స్టార్ మహేశ్‌బాబుకు వీరాభిమానిగా కనిపించనున్నాడట.
సినిమా చిత్రీకరణలో భాగంగా మహేశ్బాబు కటౌట్కు చైతన్య పాలాభిషేకం చేస్తున్న వీడియో ఒకటి లీక్‌ అయింది. అది ఇంటర్నెట్‌లో వైరల్ అవుతోంది. అందులో 'ఒక్కడు' సినిమా పోస్టర్‌ కూడా కనిపిస్తోంది. ఈ వార్త తెలియడం వల్ల అటు మహేశ్బాబు ఫ్యాన్స్‌తో పాటు ఇటు అక్కినేని అభిమానులు కూడా ఖుషీ అవుతున్నారు. మహేశ్బాబు కటౌట్కు పాలాభిషేకం చేసే సీన్‌కు థియేటర్లు దద్దరిల్లిపోవడం ఖాయమని అభిమానులు అంటున్నారు.