టాలీవుడ్ జోడీ నాగచైతన్య-సమంత మరోసారి భార్య భర్తలుగా నటించనున్నారా? అంటే అవుననే అంటున్నాయి సినీ వర్గాలు. ఇంతకీ ఆ సినిమా పేరేంటి? దర్శకుడు ఎవరు? తదితర ప్రశ్నలు అభిమానుల మససు తొలిచేస్తున్నాయి.
ఇంతకీ విషయమేమిటంటే?
చై-సామ్.. నిజ జీవిత పాత్రల్లో మరోసారి?
నాగార్జున నటించబోయే 'సోగ్గాడే చిన్నినాయన' సీక్వెల్లో చైతన్య-సమంత జంటగా నటించనున్నారట. ప్రస్తుతం ఇందుకు సంబంధించిన చర్చలు జరుగుతున్నాయని సమాచారం.
నాగచైతన్య-సమంత
కింగ్ నాగార్జున.. తన తర్వాతి చిత్రంగా 'సోగ్గాడే చిన్నినాయన' సీక్వెల్ చేయనున్నాడు. మొదటి భాగాన్ని తీసిన కల్యాణ్కృష్ణే దర్శకత్వం వహించనున్నాడు. ఈ సినిమాలోని మరో ముఖ్య పాత్రలో నాగచైతన్య నటించనున్నాడట. అంతేకాకుండా చైతూ భార్య పాత్ర కీలకమని, అందుకోసం సమంతను ఎంపిక చేసే ఆలోచనలో ఉన్నాడట ఈ డైరక్టర్. ప్రస్తుతం చర్చలు సాగుతున్నాయని, సామ్ పచ్చజండా ఊపే అవకాశాలున్నాయని తెలుస్తోంది.
పెళ్లికి ముందు పలు సినిమాల్లో జంటగా నటించిన చై-సామ్.. వివాహం తర్వాత 'మజిలీ' అనే చిత్రంలో జంటగా నటించి, మెప్పించారు. ఇప్పుడు ఈ సినిమా కోసం సిద్ధమవుతున్నారు.
ఇది చదవండి: ఆ సీన్లు చేయడం చైతూకు కష్టమే: సమంత